شىمكەنتتەگٸ 11 جاستاعى وقۋشىدان كوروناۆيرۋس انىقتالدى. بۇل تۋرالى بٸلٸم باسقارماسىنىڭ باسشىلىعى ٶتكٸزگەن بريفينگتە مەلٸم بولدى, دەپ حابارلايدى "ۇلت اقپارات".
باسقارما باسشىلىعىنىڭ مەلٸمەتٸنشە, ٸندەت جۇقتىرعان بالا قالاداعى №54 مەكتەپتە 5 سىنىپتا قاشىقتان وقيدى.
«اتا-انالاردىڭ ٶتٸنٸشٸن قارايتىن بولامىز. سونىڭ نەگٸزٸندە شەشٸم شىعارىلادى. قازٸر مەكتەپتەردەگٸ سىنىپتاردا بارلىق سانيتارلىق تالاپتار ساقتالىپ وتىر. قازان ايىنان باستاپ كەزەكشٸ سىنىپتار سانى ازايۋى مٷمكٸن»,- دەيدٸ قالالىق بٸلٸم باسقارماسىنىڭ باسشىسى جانات تەجيەۆا.
قازٸر قالاداعى وقۋشىلاردىڭ 22 پايىزى اتا-انالاردىڭ ٶتٸنٸشٸ بويىنشا دەستٷرلٸ بٸلٸم بەرۋ جٷيەسٸمەن وقيدى. قالعانى قاشىقتان بٸلٸم الىپ جٷر. دەسە دە پاندەميياعا بايلانىستى ٷيدە وقۋعا مەجبٷر بولعان بالالاردىڭ قاجەتتٸلٸكتەرٸ ەلٸ كٷنگە تولىقتاي شەشٸلمەگەن. شەكٸرتتەردٸڭ 31 مىڭنان استامى ينتەرنەتكە, 37 مىڭدايى كومپيۋتەرگە مۇقتاج.
قازٸر وقۋشىلارعا تارتالىعان كومپيۋتەرلەردٸڭ سانى - 33 840.
