Shymkenttegi 11 jastaǵy oqýshydan koronavirýs anyqtaldy. Bul týraly bilim basqarmasynyń basshylyǵy ótkizgen brifingte málim boldy, dep habarlaidy "Ult aqparat".
Basqarma basshylyǵynyń málimetinshe, indet juqtyrǵan bala qaladaǵy №54 mektepte 5 synypta qashyqtan oqidy.
«Ata-analardyń ótinishin qaraityn bolamyz. Sonyń negizinde sheshim shyǵarylady. Qazir mektepterdegi synyptarda barlyq sanitarlyq talaptar saqtalyp otyr. Qazan aiynan bastap kezekshi synyptar sany azaiýy múmkin»,- deidi qalalyq bilim basqarmasynyń basshysy Janat Tájieva.
Qazir qaladaǵy oqýshylardyń 22 paiyzy ata-analardyń ótinishi boiynsha dástúrli bilim berý júiesimen oqidy. Qalǵany qashyqtan bilim alyp júr. Dese de pandemiiaǵa bailanysty úide oqýǵa májbúr bolǵan balalardyń qajettilikteri áli kúnge tolyqtai sheshilmegen. Shákirtterdiń 31 myńnan astamy internetke, 37 myńdaiy kompiýterge muqtaj.
Qazir oqýshylarǵa tartalyǵan kompiýterlerdiń sany - 33 840.
