شىمكەنتتە جەكە تۇرعىن ٷيلەردٸڭ بٸرٸندە ارتيللەرييالىق سنارياد جارىلىپ, سالدارىنان ەكٸ ادام زارداپ شەكتٸ. جانساقتاۋ بٶلٸمٸنە تٷسكەن ولارعا دەرٸگەرلەر شۇعىل وتا جاسادى, دەپ حابارلايدى "ۇلت اقپارات".
وقيعاعا قاتىستى ناقتى دەرەكتەردٸ قر ٸٸم ٸشكٸ جەنە سىرتقى كوممۋنيكاتسييالار دەپارتامەنتٸنٸڭ ديرەكتورى الماس سادۋباەۆ ايتتى.
«11 اقپان كٷنٸ شىمكەنت قالاسىنىڭ ەكٸ تۇرعىنى ەسكٸ ٷلگٸدەگٸ ارتيللەرييالىق سناريادتىڭ جارىلۋى سالدارىنان تٷرلٸ دەڭگەيدەگٸ دەنە جاراقاتىن الدى. جارىلىس ەكٸ تۇرعىننىڭ بٸرٸنٸڭ سناريادتى ارامەن كەسۋٸنەن ورىن العان. ولار ونى مەتالل قابىلداۋ ورنىنا ٶتكٸزبەك بولعان, - دەدٸ ول.
دەپارتامەنت باسشىسىنىڭ ايتۋىنشا, شىمكەنت قالالىق پوليتسييا جەنە تٶتەنشە جاعدايلار دەپارتامەنتتەرٸ, سونىمەن قاتار ٶزگە دە مەملەكەتتٸك ورگانداردىڭ ماماندارى مەن قىزمەتكەرلەرٸنەن جاساقتالعان جەدەل تەرگەۋ توبى جارىلىس ورنىن قاراۋ بارىسىندا دەل سونداي ارتيللەرييالىق سناريادتاردى تاپقان.
«زارداپ شەگۋشٸلەردٸڭ تۋىستارىنىڭ ايتۋىنشا, وق-دەرٸلەر تٷن ٸشٸندە ارىس قالاسىنان مەتالل رەتٸندە ٶتكٸزۋ ٷشٸن ەكەلٸنگەن. قازٸرگٸ ۋاقىتتا وق-دەرٸلەردٸڭ قايدان الىنعانىن انىقتاۋ شارالارى جٷرگٸزٸلٸپ جاتىر. قر قىلمىستىق كودەكسٸنٸڭ 287-بابىندا قاراستىرىلعان قىلمىس بەلگٸلەرٸ بويىنشا سوتقا دەيٸنگٸ تەرگەۋ امالدارى جٷرگٸزٸلۋدە», - دەدٸ الماس سادۋباەۆ.
جارىلىس قالاداعى ەڭبەكشٸ اۋدانى زابادام شاعىن اۋدانىنداعى جەكە تۇرعىن ٷيلەردٸڭ بٸرٸندە بولعان. وسى اۋداننىڭ تۇرعىندارى تاڭعى ساعات ون جارىم كەزٸندە قاتتى جارىلىستىڭ ٷنٸن ەستيدٸ.
"قاتتى قورقىپ كەتتٸك. ٷيدٸڭ جان-جاعىن جارتى ساعاتتىڭ ٸشٸندە پوليتسييا قورشاۋعا الدى", - دەيدٸ ساليما ٶسكەنباەۆا ەسٸمدٸ تۇرعىن.
تاڭعى ساعات ون بٸردەن باستاپ وقيعا ورنىندا پوليتسەيلەر, تٶتەنشە جاعدايلار دەپارتامەنتٸنٸڭ قىزمەتكەرلەرٸ مەن ەسكەريلەر جۇمىس ٸستەگەن.
جارىلىس بولعان ٷيدە جاس وتباسى ٷش بالاسىمەن بٸرگە تۇرادى. تاڭەرتەڭ ەيەلٸ جۇمىسقا كەتكەن, ال ەكٸ بالا بالاباقشادا, بٸرەۋٸ مەكتەپتە بولعان. وتاعاسى ٷيدە جالعىز قالعان ەكەن. جارىلىس كەزٸندە زارداپ شەككەن ەكٸنشٸ ادامنىڭ كٸم ەكەنٸ ەزٸرگە بەلگٸسٸز.
