شىمكەنتتە تٶبەلەسكەن تەرگەۋشٸگە قاتىستى ٸستٸڭ مەن-جايى بەلگٸلٸ بولدى

شىمكەنتتە تٶبەلەسكەن تەرگەۋشٸگە قاتىستى ٸستٸڭ مەن-جايى بەلگٸلٸ بولدى


شىمكەنتتە تٶبەلەسكەن تەرگەۋشٸگە قاتىستى ٸستٸڭ مەن-جايى بەلگٸلٸ بولدى, - دەپ حابارلايدى Tengrinews.kz اگەنتتٸگٸ ktk.kz ارناسىنا سٸلتەمە جاساپ.

8 مامىردا تەرگەۋشٸلەر مەيرامحانا الدىندا سٶيلەسٸپ تۇرعان. وسى كەزدە ەكٸنشٸ جەدەل باسقارمانىڭ باستىعى باقتييار احمەتجانوۆ تەرگەۋشٸ مىرزابەك تويلىباەۆقا جۇدىرىق الا جٷگٸرەدٸ. سوققىدان قاشىپ ٷلگەرگەن تەرگەۋشٸ احمەتجانوۆتىڭ ٶزٸن ۇرىپ جىعىپ, باسپالداققا باسپەن قۇلاتقان. اۋىر جاراقات العان باقتييار احمەتجانوۆ اۋرۋحانادا ەس-تٷسسٸز جاتىر. ال تەرگەۋشٸ قاماۋعا الىنعان.

تەرگەۋشٸلەرگە قاتىستى قارجى مونيتورينگٸ اگەنتتٸگٸنٸڭ ٶزٸندٸك قاۋٸپسٸزدٸك قىزمەتٸ تەرگەۋ جٷرگٸزٸپ جاتىر. تەرتٸپ ساقشىلارى دا ٸستٸڭ اق-قاراسىن انىقتاۋ ٷستٸندە.

"بۇل ٸس 8 مامىردا شىمكەنت قالاسى ەل-فارابي اپب-دا قر قك-نىڭ 106-بابى 1-بٶلٸگٸمەن تٸركەۋگە الىندى. قازٸر كٷدٸكتٸ ۋاقىتشا ۇستاۋ يزولياتورىندا. سوتالدى تەرگەۋ امالدارى جالعاسىپ جاتىر", - دەلٸنگەن حابارلامادا.