شىمكەنتتە جٸگٸت قىزىمەن جانجالداسىپ قالىپ, ٶزٸنە قول جۇمساماق بولعان, دەپ حابارلايدى "ۇلت اقپارات".
«28 قاڭتاردا كەشكٸ ساعات 19:00-دە شىمكەنتتەگٸ ارعىنبەكوۆ پەن قازيەۆ كٶشەلەرٸنٸڭ قيىلىسىنداعى پوليتسييا پاترۋلٸنە بٸر توپ جاس جٸگٸت كەلٸپ, دەندروپاركتە ٶز ٶمٸرٸن قييۋعا بەل بايلانعان دوسىن ٸزدەپ جٷرگەندەرٸن حابارلاعان», - دەيدٸ قر ٸٸم رەسمي ٶكٸلٸ نۇردٸلدە وراز ەلوردادا ٶتكەن ونلاين بريفينگتە.
پوليتسييا قىزمەتكەرلەرٸ موينىنا ٸلمەك قويىپ, ٶزٸنە قۇل جۇمساماق بولعان جٸگٸتتٸ تاپقان.
«قىزمەتكەرلەر ونى قۇتقارىپ, ونى تٶمەن تٷسٸردٸ. جاس جٸگٸت مەديتسينالىق مەكەمەگە جەتكٸزٸلٸپ, وعان كٶمەك كٶرسەتٸلدٸ. سودان كەيٸن جٸگٸت پوليتسييا بٶلٸمٸنە بارىپ, ٶز ەرەكەتٸنٸڭ سەبەپتەرٸ تۋرالى ايتىپ بەرگەن. تەكسەرۋ بارىسىندا جٸگٸتتٸڭ قىزبەن اراداعى جانجالعا بايلانىستى وسىنداي قادامعا بارماق بولعانى انىقتالدى», - دەيدٸ ول.
