فوتو: شىمكەنت قالاسىنىڭ ەكٸمدٸگٸ
2017 جىلى وڭتٷستٸك قازاقستان وبلىسى ەكٸمدٸگٸنٸڭ قاۋلىسىمەن «ورتالىق سۋ-سپورت كەشەنٸ» مكقك ساتىپ الۋ قۇقىعىمەن سەنٸمگەرلٸك باسقارۋعا بەرٸلگەن بولاتىن. نىساننىڭ نارىقتىق قۇنى 1 ملرد 213 ملن 700 مىڭ تەڭگەنٸ قۇرادى. ەلەكتروندى ساۋدا نەتيجەسٸندە جەڭٸمپاز اتانعان «GRAND TRUST» جشس-مەن سەنٸمگەرلٸك باسقارۋ تۋرالى كەلٸسٸمشارت جاسالدى. كەلٸسٸمشارتقا سەيكەس, سەنٸمگەرلٸك باسقارۋشى نىسانعا 500 ملن تەڭگە ينۆەستيتسييا سالىپ, سالىقتىق مٸندەتتەمەلەرٸن ۋاقىتىلى ورىنداۋعا تيٸس بولعان.
الايدا, شىمكەنت قالاسى ەكٸمٸنٸڭ باسپاسٶز قىزمەتٸ تاراتقان اقپاراتقا سٷيەنسەك, كەلٸسٸمشارت تالاپتارى ورىندالماعان.
- باسقارۋشى كومپانييانىڭ مٸندەتتەرٸن ادال ورىنداماۋى سالدارىنان بٷگٸندە عيمارات پايدالانۋعا جارامسىز كٷيگە تٷستٸ. قابىرعالارى جارىلعان, كەيبٸر ەدەن جابىندارى وپىرىلعان. الدىن الا تەكسەرۋ بارىسىندا كەشەننٸڭ قاۋٸپسٸزدٸك تالاپتارىنا ساي كەلمەيتٸنٸ جەنە ونى پايدالانۋ ازاماتتاردىڭ ٶمٸرٸ مەن دەنساۋلىعىنا قاۋٸپ تٶندٸرەتٸنٸ انىقتالدى, - دەلٸنگەن ەكٸمدٸك اقپاراتىندا.
«GRAND TRUST» جشس ديرەكتورى سادىقوۆ اقنۇر سمايلۇلىنىڭ باسشىلىعىمەن سەنٸمگەرلٸك باسقارۋشى كومپانييا جىل سايىن جەرگٸلٸكتٸ بيۋدجەتتەن قارجىلاندىرىلىپ وتىردى. 2018-2024 جىلدار ارالىعىندا عيماراتتى ۇستاۋ جەنە سۋ سپورتى تٷرلەرٸ بويىنشا سپورتشىلاردى دايارلاۋ ٷشٸن 1 ملرد 218 ملن تەڭگەدەن استام قاراجات بٶلٸنگەن. سونىمەن قاتار, 2021-2024 جىلدار ارالىعىندا مەملەكەتتٸك سپورتتىق تاپسىرىستى جان باسىنا قارجىلاندىرۋ اياسىندا ورتالىق سۋ-سپورت كەشەنٸندە جۇمىس ٸستەگەن «سۋ سپورتى تٷرلەرٸ ورتالىعى» جشس جالپى سوماسى 335 ميلليون تەڭگە كٶلەمٸندە قاراجات العان.
- كومپانييانىڭ بيۋدجەتكە سالىقتىق مٸندەتتەمەلەر بويىنشا 111 ملن تەڭگەدەن استام قارىزى جەنە سوت شەشٸمٸنە سەيكەس شامامەن 179 ملن تەڭگە قارىزى بار. وسىعان بايلانىستى شىمكەنت قالاسى ەكٸمدٸگٸ «GRAND TRUST» جشس-مەن جاسالعان سەنٸمگەرلٸك باسقارۋ كەلٸسٸمشارتىن بۇزۋ تۋرالى تالاپ ارىز بەردٸ. ارىزدى شىمكەنت قالاسىنىڭ مامانداندىرىلعان اۋدانارالىق سوتى قاناعاتتاندىردى. ايتا كەتۋ كەرەك, تەكسەرۋلەردٸڭ قورىتىندىسى بويىنشا بارلىق ماتەريالدار جاعدايدى تالداۋ جەنە قۇقىقتىق باعالاۋ ٷشٸن تيٸستٸ ورگاندارعا بەرٸلەدٸ,-دەلٸنگەن شىمكەنت ەكٸمدٸگٸنٸڭ اقپاراتىندا.
بيىل «ورتالىق سۋ-سپورت كەشەنٸنە» كٷردەلٸ جٶندەۋ جٷرگٸزۋ جوسپارلانىپ وتىر.
ايتا كەتەيٸك, بۇدان بۇرىن شىمكەنتتە ساپاسىز سالىنعان 1,4 ملن تەڭگەنٸڭ جول جابىنى قايتا تٶسەلگەنٸن جازعان بولاتىنبىز.
