فوتو: اشىق دەرەككٶز
شىمكەنتتە قارجى پيراميداسىن ۇيىمداستىرعان “Nazira Gold” كومپانيياسىنا قاتىسى بار 9 ادامعا ٷكٸم شىقتى, دەپ حابارلايدى Ult.kz Qazaqstan.tv ارناسىنا سٸلتەمە جاساپ.
تەرگەۋ دەرەكتەرٸنە سٷيەنسەك, ولار ەلەۋمەتتٸك جەلٸلەر ارقىلى ازاماتتاردى الداپ, 16 ميلليارد تەڭگەدەن استام قاراجات جيناعان.
ۇيىم ٶزٸن التىن بۇيىمدار ساتۋمەن اينالىساتىن كەسٸپ رەتٸندە كٶرسەتٸپ, سالىمشىلارعا سالعان اقشاسىن 5 ايدا ەكٸ ەسەلەپ قايتارامىز دەپ ۋەدە بەرگەن. الايدا جينالعان قارجىنىڭ 14 ميللياردى ٸز-تٷزسٸز جوعالىپ, قالعان بٶلٸگٸنە ايىپتالۋشىلار تۋىستارىنىڭ اتىنا زەۋلٸم ٷيلەر مەن قىمبات كٶلٸكتەر رەسٸمدەگەن. بۇل مٷلٸكتەر ەندٸ تەركٸلەنٸپ, جەبٸرلەنۋشٸلەرگە قايتارىلادى.
سوت شەشٸمٸمەن ۇيىمنىڭ جەتەكشٸسٸ 10 جىلعا باس بوستاندىعىنان ايىرىلدى. ونىڭ سەرٸكتەستەرٸنٸڭ جەتەۋٸ 5 جىلعا سوتتالدى, ال بٸر ادامعا باس بوستاندىعىن شەكتەۋ جازاسى تاعايىندالدى.
شىمكەنت قالاسىنىڭ قىلمىستىق ٸستەر جٶنٸندەگٸ اۋدانارالىق سوتىنىڭ سۋدياسى مادييار ابدراسيلوۆتىڭ ايتۋىنشا, “Nazira Gold” جوباسىنىڭ باستاپقى ماقساتى ازاماتتاردىڭ اقشاسىن تارتۋ بولعان:
«2025 جىلدىڭ مامىر ايىندا “Nazira Gold” جوباسىن قۇرعان كەزدەگٸ باستى ماقسات – حالىقتىڭ قاراجاتىن تارتۋ. ولار اي سايىن 20-41 پايىز تابىس, ال بەس ايدان كەيٸن سالىم سوماسىن تولىق قايتارامىز دەپ كٶرٸنەۋ ورىندالمايتىن ۋەدە بەرگەن», – دەدٸ سۋديا.
سوت “Nazira Gold”-تىڭ ەرەكەتٸن قارجى پيراميداسىن ۇيىمداستىرۋ جەنە الاياقتىق دەپ تانىدى.
