سۋرەت: Otyrar.kz
شىمكەنتتە قىتايلىق ينۆەستور 5 جىلدان استام ۋاقىت ەدٸلدٸككە جەتە الماي جٷر. يۋحۋا حان الاياقتىقتىڭ قۇربانى بولعان, دەپ حابارلايدى "ۇلت اقپارات" Otyrar.kz سايتىنا سٸلتەمە جاساپ.
شەتەلدٸك ازاماتقا شىمكەنتتٸك ادام بەتون زاۋىتىن سالۋعا كٶمەكتەسەمٸن دەپ ۋەدە بەرٸپ, 530 ميلليون تەڭگەنٸ يەمدەنٸپ العان. ارادا بٸرنەشە جىل ٶتسە دە, ينۆەستور ەلٸ كٷنگە دەيٸن زاۋىتتىڭ يەسٸ بولا الماي, سالعان اقشاسىن دا قايتارا المادى.
قىتايلىق ينۆەستور 5 جىل بۇرن شىمكەنتتە بەتون زاۋىتىن سالماقشى بولعان. يۋحۋا حان قىتايشا بٸلەتٸن شىمكەنتتٸكپەن تانىسىپ, زاۋىت سالۋعا اقشا بەرگەن. العاشىندا جەر ساتىپ الۋ ٷشٸن 120 ميلليون تەڭگە سۇراعان. جاقىن ارادا زاۋىت سالۋعا اقشا كەرەك بولاتىنىن ايتتى.
"مۇنىڭ بەرٸ كارانتينگە دەيٸن بولدى. جۇمىسقا كەلگەنٸمدە مەنٸ الداپ جاتقانىن تٷسٸنە باستادىم. قىتايدا بيزنەسپەن اينالىسامىن, بەتون زاۋىتىم بار. وسىدان كەيٸن پوليتسيياعا جەنە قىتاي ەلشٸسٸنە حابارلاستىم, ولار جاعدايدىڭ قالاي بولىپ جاتقانىن حابارلاپ وتىر. دەسە دە ەلٸ قيىن. ەندٸ قازاقستاندا زاۋىتىم بار ما, جوق پا, بٸلمەيمٸن. ارا-تۇرا قازٸر قازاقستانعا كەلٸپ, ٸستٸڭ قاي ساتىدا تۇرعانىن بٸلٸپ كەتەمٸن", – دەدٸ قىتاي ازاماتى يۋحۋا حان.
شەتەلدٸك ازامات اقشانى قايتارۋدى تالاپ ەتە باستاعاندا, وعان قۇرىلىستى ۋاقىتىندا اياقتاۋعا ٷلگەرمەگەندەرٸن ايتىپ, يۋحۋا حاندى قىتاي كٶلٸكتەرٸن قازاقستاندا ساتۋدى باستاۋعا كٶندٸردٸ. نەتيجەسٸندە قىتاي ازاماتى 530 ميلليون تەڭگە قۇيعان. ونىڭ ادۆوكاتى سامات ساپارىمبەتتٸڭ ايتۋىنشا, ٸس بويىنشا پروتسەسسۋالدىق زاڭبۇزۋشىلىقتار مەن ولقىلىقتار كٶپ.
"2023 جىلى تامىزدىڭ سوڭىندا ەڭبەكشٸ اۋداندىق ٸشكٸ ٸستەر بٶلٸمٸ بۇل فاكت بويىنشا قىلمىستىق ٸس قوزعادى, بٸراق ٸس سوزىلىپ جاتىر. قىتايلىق ينۆەستوردى الداعان قازاقستان ازاماتى تەرگەۋ باسىندا-اق قاماۋعا الىندى. الايدا بٸراز ۋاقىتتان كەيٸن ول كەتپەۋ تۋرالى قولحاتپەن بوساتىلدى. قازٸر كٷدٸكتٸ تەرگەۋگە ارالاسىپ, قولحاتتى بۇزىپ جاتىر, ويىنا كەلگەنٸن ٸستەيدٸ. ونىڭ كٸنەسٸن دەلەلدەيتٸن بارلىق دەلەلدەر مەن كۋە بار. بٸز سونداي-اق وسى ٸسكە قاتىستى زاڭبۇزۋشىلىقتار بويىنشا باس پروكۋراتۋراعا بٸرنەشە شاعىم جٸبەردٸك", – دەدٸ يۋحۋا حاننىڭ ادۆوكاتى سامات ساپارىمبەت.
بۇل ٸسكە قاتىستى تەرگەۋ بٸر جىلدان استام جٷرگٸزٸلٸپ كەلەدٸ. قورعاۋشى تاراپ كٷدٸكتٸنٸڭ وسى ۋاقىت ٸشٸندە اقشانى قايتارۋعا تىرىسپاعانىن العا تارتادى. شىمكەنت قالالىق ٸٸد باسپاسٶز قىزمەتٸ ٶز كەزەگٸندە كٷدٸكتٸنٸڭ ەشقايدا كەتپەۋ تۋرالى مٸندەتتەمە العانىنا سەندٸرەدٸ.
"اتالعان ازاماتتىڭ الاياقتىق فاكتٸسٸ تۋرالى ارىزى نەگٸزٸندە ەڭبەكشٸ اۋداندىق پوليتسييا بٶلٸمٸ قىلمىستىق ٸس قوزعادى. قازٸر تەرگەۋ امالدارى جٷرٸپ جاتىر", – دەپ مەلٸمدەدٸ شىمكەنت پد باسپاسٶز حاتشىسى باعلان يساتاەۆا.
زارداپ شەككەن تاراپ ەندٸ قازاقستاندا سوت ەدٸل ٶتەدٸ دەپ ٷمٸتتٸ. قىتاي ازاماتى يۋحۋا حان ينۆەستيتسيياسىن قايتارا الاتىنىنا سەنەدٸ.
