شىمكەنتتە قوعام قايراتكەرٸ اسانباي اسقاروۆتى ەسكە الۋ جيىنى ٶتتٸ. شىم شاھاردىڭ كٶركەيٸپ, دامۋىنا زور ٷلەس قوسقان تۇلعانى ٷزەڭگٸلەس ەرٸپتەستەرٸ ەسكە الىپ, ونىڭ ەسكەرتكٸشٸنە گٷل شوقتارىن قويدى, دەپ حابارلايدى قازاقپارات تٸلشٸسٸ.
قىركٷيەكتٸڭ 15-ٸ كٷنٸ تۋعان اسانباي اسقاروۆ كٶزٸ تٸرٸ بولعاندا بيىل 95 جاسقا تولار ەدٸ. بۇل كٷنٸ ارداقتى ازاماتپەن بٸرگە قىزمەتتەس بولعان ەل اعالارى ونىڭ ەسٸمٸمەن اتالاتىن كٶشە بويىنداعى ەسكەرتكٸشتٸڭ الدىنا جينالىپ, ميتينگ ٶتكٸزدٸ. وندا سٶز العان وبلىستىق ٸشكٸ ساياسات باسقارماسىنىڭ باسشىسى بولات تٶلەگەن وبلىستاعى اسانباي اسقاروۆتىڭ قولتاڭباسى سانالاتىن نىساندار مەن جوبالاردىڭ بٷگٸندە يگٸلٸگٸن حالىق كٶرٸپ وتىرعانىن تٸلگە تيەك ەتە كەلە, تاريحتا ەسٸمٸ قالعان مۇنداي ازاماتتاردى ەل ەسٸنەن شىعارمايتىنىن ايتتى.
دارا تۇلعانىڭ ٷزەڭگٸلەس دوستارى دا اتپال ازامات جايىندا ەستەلٸكتەر ايتىپ, ونىڭ مول مۇراسىن جيناقتاپ كٸتاپ ەتٸپ شىعارۋ ٸسٸ قولعا الىنىپ وتىرعانىن اتاپ ٶتتٸ. سونداي-اق بەس جىلدان سوڭ بولاتىن 100 جىلدىق تويعا دايىندىقتى وسى باستان قولعا الۋ كەرەكتٸگٸنە توقتالدى.
ايتا كەتەيٸك, قايراتكەر سوتسياليستٸك ەڭبەك ەرٸ, تالاي جىل جامبىل, الماتى, وڭتٷستٸك قازاقستان وبلىستارى پارتييا كوميتەتٸنٸڭ بٸرٸنشٸ حاتشىسى بولىپ جەمٸستٸ ەڭبەك ەتكەن ازامات. ەسٸرەسە, وڭتٷستٸك ٶڭٸرٸن باسقارعان شاقتا شىمكەنت قالاسىنىڭ كٶركەيٸپ, دامۋىنا زور ٷلەس قوسقانىن جۇرتشىلىق جاقسى بٸلەدٸ. قالانىڭ ورتالىعىنداعى دەندروساياباقتىڭ, زووباقتىڭ سونداي-اق تاعى دا بٸرقاتار نىسانداردىڭ سالىنۋىنا دا كٶپ ەڭبەك ەتكەن. سەكسەنٸنشٸ جىلداردىڭ سوڭىندا وعان «جەلتوقسان كٶتەرٸلٸسٸن ۇيىمداستىرۋعا قاتىستى», «ۇلتشىل» دەگەن ايىپتار تاعىلىپ, بٸراز ۋاقىت قاماۋدا بولدى. الايدا ۋاقىت ٶتە كەلە شىندىقتىڭ بەتٸ اشىلىپ, قازٸرگٸ تاڭدا قايراتكەرگە زور قۇرمەت كٶرسەتٸلٸپ كەلەدٸ.
