شىمكەنتتە تاماقتانۋ ورىندارى ەزٸرگە اشىلمايدى. قالا ەكٸمٸنٸڭ ورىنباسارى ماقسۇت يساحوۆ ەلەۋمەتتٸك پاراقشاسىندا وسىنداي مەلٸمدەمە جاسادى, – دەپ حابارلايدى "ۇلت اقپارات".
شەنەۋنٸكتٸڭ بۇلاي جازۋىنا ەل ٸشٸندە تاراپ جاتقان قاۋەسەت سەبەپ بولعان. تۇرعىندار بٸر-بٸرٸنە ەلدە تٶتەنشە جاعداي الىنىپ تاستالعان سوڭ مەيرامحانالار مەن دەمحانالار جاپپاي اشىلادى دەپ جالعان اقپارات تاراتقان.
«كەيبٸر ەلەۋمەتتٸك جەلٸلەردە قوعامدىق تاماقتانۋ ورىندارى (اسحانا, كافە, رەستوران, بارلار) جەنە سپورت زالدارى اشىلادى دەگەن حابارلاما تاراپ, تٸپتٸ كەيبٸر كەسٸپكەرلەرٸمٸز دايىندىققا كٸرٸسٸپ كەتٸپتٸ. ەكٸمدٸك تاراپىنان ەزٸرگە ونداي قاۋلى قابىلدانىپ, شەشٸم شىقپادى. ٶزدەرٸڭٸزگە بەلگٸلٸ, مەملەكەت باسشىسى نىسانداردى رەتٸمەن ٸسكە قوسۋعا تاپسىرما بەرگەنٸمەن, قالالاردا ول پروتسەسس ەپيدەميولوگييالىق جاعدايعا بايلانىستى جٷزەگە اسادى. بەرٸمٸز كارانتيننٸڭ اياقتالۋىن اسىعا كٷتٸپ, ساياباق, بازارعا شىققانىمىزعا قۋانىپ, سانيتارلىق تالاپتاردى ەسكەرۋسٸز قالدىرىپ جاتىرمىز. ٶكٸنٸشكە قاراي, قالامىزدا كوروناۆيرۋس ينفەكتسيياسىن جۇقتىرعاندار سانى كٶبەيۋدە. سول سەبەپتٸ قالاداعى بارلىق نىسانعا سانيتارلىق تالاپتاردىڭ ورىندالۋى بويىنشا مونيتورينگ جٷرگٸزٸلٸپ, نەتيجەسٸندە بٸرقاتار شەكتەۋلەر قويىلادى», - دەدٸ ماقسۇت يساحوۆ.
ايتا كەتەيٸك, بۇعان دەيٸن قالانىڭ باس سانيتارى ەبدٸماناپ تٶلەباەۆ شىعارعان قاۋلىدا كٶپشٸلٸك تاماقتاناتىن ورىندار مەن مەشٸتتٸڭ اشىلۋىنا تىيىم سالىنعان بولاتىن. وعان كوروناۆيرۋس جۇقتىرعانداردىڭ سانى كٷرت كٶبەيٸپ كەتكەنٸ سەبەپ بولعان ەدٸ. بٷگٸندە قالاداعى كەسٸپورىنداردا كوروناۆيرۋس ينفەكتسيياسىنا قارسى سكرينينگ دياگنوستيكالىق تەكسەرۋ جۇمىستارى جٷرگٸزٸلٸپ, قوعامدىق كٶلٸك قىزمەتٸ ٶكٸلدەرٸ دە سىناما تاپسىرۋدا.
ايتا كەتەيٸك, شىم شاھاردا سوڭعى تەۋلٸكتە 31 ادام ٸندەت جۇقتىرعان. ال جالپى ناۋقاستار سانى - 539.
