شىمكەنتتەگٸ نۇرسەت مٶلتەكاۋدانىندا بەس قاباتتى تۇرعىن ٷيدە گاز-اۋا قوسپاسىنىڭ جارىلىسى ورىن الدى. وقيعانىڭ سالدارىنان پەتەر جالداپ تۇرىپ جاتقان رەسەي فەدەراتسيياسىنىڭ 63 جاستاعى ازاماتى دەنە جاراقاتىن الىپ, وعان العاشقى مەديتسينالىق كٶمەك كٶرسەتٸلگەن, دەپ حابارلايدى "ۇلت اقپارات".
قالالىق تجد باسپاسٶز قىزمەتٸنٸڭ مەلٸمەتٸنشە, جارىلىس تاڭعى ساعات 06:27 شاماسىندا ٷيدٸڭ بٸرٸنشٸ قاباتىنداعى پەتەردە بولعان. سالدارىنان تەرەزەلەر مەن ەسٸكتەر سىنىپ, ٷي زاتتارى مەن جيھازدارى جانىپ كەتكەن. تۇرعىن ٷيدەگٸ 4 ادام قاۋٸپسٸز جەرگە شىعارىلىپ, تاعى 6 ادام قۇتقارىلعان. سونداي-اق, جارىلىس سالدارىنان كٶرشٸلەس ورنالاسقان ەكٸ پەتەردٸڭ تەرەزەلەرٸ, «اۋدي» اۆتوكٶلٸگٸنٸڭ الدىڭعى ەينەگٸ زاقىمدالعان. وقيعا ورنىنا شىمكەنت قالاسى تجد ٶرت سٶندٸرۋ قىزمەتٸنٸڭ 29 جەكە قۇرامى مەن 6 تەحنيكاسى, اپاتتار مەديتسينا ورتالىعى فيليالىنىڭ, جەدەل-قۇتقارۋ جاساعىنىڭ 8 قىزمەتكەرٸ مەن 2 تەحنيكاسى, پوليتسييا دەپارتامەنتٸنٸڭ 20 قىزمەتكەرٸ مەن 7 تەحنيكاسى جۇمىلدىرىلعان.
«جالىن تاڭعى ساعات 06.42-دە وقشاۋلانىپ, ساعات 07.20-دا تولىعىمەن سٶندٸرٸلدٸ. ٶرتتٸڭ جالپى كٶلەمٸ 35 شارشى مەتر قۇراعان. گاز شارۋاشىلىعى قىزمەتٸنٸڭ الدىن الا مەلٸمەتٸنشە, جارىلىسقا گازدىڭ جينالۋى سەبەپ», - دەلٸنگەن حابارلامادا.
