شىمكەنتتە باس دەرٸگەرٸ قاماۋعا الىنعان اۋرۋحاناعا ۋاقىتشا جاڭا باسشى تاعايىندالدى. قالالىق دەنساۋلىق ساقتاۋ باسقارماسى باسشىسىنىڭ بۇيرىعىمەن بۇل قىزمەتتٸ باس دەرٸگەردٸڭ ورىنباسارى بولعان شىڭعىس بايمەنوۆ اتقاراتىن بولدى, دەپ حابارلايدى "ۇلت اقپارات".
بٷگٸن دەنساۋلىق ساقتاۋ باسقارماسىنىڭ باسشىسى اسحان بايدۋۆاليەۆ «№1 قالالىق كلينيكالىق اۋرۋحاناسىنا بارىپ, ۇجىممەن كەزدەستٸ. جابىق جاعدايدا ٶتكەن باسقوسۋدا باس دەرٸگەردٸڭ ۋاقىتشا مٸندەتٸن اتقارۋشى رەتٸندە شىڭعىس بايمەنوۆتى تانىستىردى. ايتا كەتەيٸك, شىڭعىس بولاتۇلى بۇعان دەيٸن اتالعان اۋرۋحانادا باس دەرٸگەردٸڭ حيرۋرگييا سالاسى جٶنٸندە ورىنباسارى قىزمەتٸن اتقارعان.
باسقارما باسشىسى سونداي-اق باق ٶكٸلدەرٸنە سۇحبات بەرٸپ, ورىن العان قىلمىستىق جاعدايعا بايلانىستى پٸكٸرٸن بٸلدٸرٸپ ٶتتٸ. ول بولعان جەيتتٸ ەلەۋمەتتٸك جەلٸلەردەن كٶرٸپ, حاباردار بولعانىن ايتادى.
«بولعان جەيتكە بايلانىستى كەشە دەنساۋلىق ساقتاۋ مينيسترٸنە ەلجان بٸرتانوۆقا, قالانىڭ ەكٸمٸ ەرلان ايتاحانوۆقا نەگٸزگٸ مەلٸمەتتەردٸ جٸبەردٸم. بارلىق مەلٸمەتتەردٸ جازباشا تٷردە جٸبەردٸك. ەندٸ قازٸر اۋرۋحانانىڭ ۇجىمىنا كەلٸپ, وسى كٸسٸلەرمەن كەزدەسٸپ, جٷزدەسٸپ, بٷگٸنگٸ تاڭعا بارلىقتارىمىزدى سابىرلىق ساقتايىق دەپ تٷسٸندٸردٸم. نەگٸزٸ بارلىعى زاڭمەن بولۋ كەرەك, بٸرٸنشٸدەن. ەكٸنشٸدەن, وقيعانىڭ انىق-قانىعىنا جەتۋ كەرەك. ٷشٸنشٸدەن, مورالدىق –ەتيكالىق نورمالارىمىزدى دا ساقتاۋىمىز كەرەكپٸز. بٷگٸنگٸ تاڭدا № 1 قالالىق اۋرۋحانانىڭ باس دەرٸگەرٸنٸڭ مٸندەتٸن اتقارۋشى ەتٸپ شىڭعىس بولاتۇلىن قويدىق»,- دەدٸ اسحان بايدۋۆاليەۆ.
تٸلشٸلەردٸڭ وسى قىلمىسقا قانشالىقتى سەنەسٸز دەگەن ساۋالىنا باسقارما باسشىسى دەل قازٸر ەشتەڭە ايتا المايتىنىن, مورالدىق-ەتيكالىق نورمالاردى ساقتاۋ كەرەكتٸگٸن ايتىپ ٶتتٸ. سونداي-اق, ۋاقىتشا تەرگەۋ اباقتىسىنا قامالعان باس دەرٸگەر ابىلاي دونبايعا قاندايدا بٸر مٸنەزدەمە بەرۋدەن باس تارتىپ, تەرگەۋدٸڭ سوڭىن كٷتۋگە شاقىردى.
«قازٸر مەن ەشتەڭە ايتا المايمىن, كٶرەيٸك, بارلىعىن كٷتەيٸك. مٸنەزدەمەنٸ دە بەرە المايمىن. بەرٸ انىقتالعان سوڭ, بٸز رەسمي تٷردە جارييالايمىز»,- دەدٸ باسقارما باسشىسى.
ايتا كەتەيٸك, كٷنٸ كەشە ەلٸمٸزدٸڭ ٸٸم تەرگەۋ دەپارتامەنتٸ شىمكەنت قالالىق №1 كلينيكالىق اۋرۋحاناسىنىڭ باس دەرٸگەرٸ ۋاقىتشا وقشاۋلاعىشقا قاماعانىن حابارلاعان بولاتىنبىز. وعان قر قك 264-بابى 2-تارماعىندا (ترانسۇلتتىق قىلمىستىق توپقا قاتىسۋ) جەنە 116-بابى 3-تارماعىندا (ادام اعزاسىن زاڭسىز الۋ) كٶزدەلگەن قىلمىستىق قۇقىق بۇزۋشىلىققا جول بەردٸ دەگەن ايىپ تاعىلعانى جارييا ەتٸلگەن. ۆەدومستۆونىڭ مەلٸمەتٸنشە, سوتقا دەيٸنگٸ تەرگەۋ بارىسىندا 2017-2018 جىلدارى قازاقستان اۋماعىندا ۇيىمداستىرۋشىسى شەت مەملەكەتتٸڭ ازاماتى بولىپ تابىلاتىن قىلمىستىق توپ ادام اعزالارىن ترانسپلانتاتسييالاۋ بويىنشا ەرەكەت ەتكەن. دونور رەتٸندە تۇرمىستىق اۋىر جاعدايعا تاپ بولۋى سالدارىنان بٷيرەكتەرٸن ساتۋعا مەجبٷر بولعان ٶزبەكستان, قىرعىزستان, ۋكراينا ازاماتتارى تارتىلعان. ال رەتسيپيەنتتەر الىس شەت ەلدەردٸڭ, نەگٸزٸنەن يزرايلدٸڭ قالتالى ازاماتتارى بولعان.
