قر تەۋەلسٸزدٸگٸنٸڭ 30 جىلدىعىنا وراي شىمكەنت قالاسىندا «الاش ارىستارى» ەسكەرتكٸشٸنٸڭ سالتاناتى اشىلۋ رەسٸمٸ ٶتتٸ, دەپ حابارلايدى قازاقپارات.
كومپوزيتسييالىق مٷسٸن شىمكەنت قالاسىنىڭ ورتالىق ساياباعى اۋماعىندا ورنالاسقان. تۇعىر گرانيتپەن قاپتالعان. مٷسٸندەردٸڭ بيٸكتٸگٸ - ورتاشا ەسەپپەن 210 سم. تۇعىردىڭ ۇزىندىعى - شامامەن التى مەتر, ەنٸ - ٷش مەترگە جۋىق.
جيىنعا قالا ەكٸمٸ مۇرات ەيتەنوۆ, مەسليحات حاتشىسى باحادىر نارىمبەتوۆ, قالالىق ارداگەرلەر كەڭەسٸنٸڭ تٶراعاسى كەنجەحان تٶلەباەۆ, «الاش ارىستارى» ەسكەرتكٸشٸنٸڭ يدەيا اۆتورى بەكەت تۇرعاراەۆ, حالىقارالىق «الاش» سىيلىعىنىڭ يەگەرٸ مارحابات بايعۇت, كٶرنەكتٸ اقىن حانبيبٸ ەسەنقاراقىزى جەنە تاعى باسقا زييالى قاۋىم ٶكٸلدەرٸ قاتىستى.
قالا ەكٸمٸ كٶپشٸلٸكتٸ ەسكەرتكٸشتٸڭ اشىلۋىمەن قۇتتىقتاپ, ٸس-شارانىڭ ماڭىزدىلىعىنا توقتالدى.
«ۋاقىت وزعان سايىن ۇلت ازاتتىعى ٷشٸن ايانباي كٷرەسكەن الاش قايراتكەرلەرٸنٸڭ دانالىعىن, دارالىعىن, كەمەڭگەرلٸگٸن ايقىن سەزٸنٸپ كەلەمٸز. ولاردىڭ ٶمٸر جولى بٸز ٷشٸن, بولاشاق ۇرپاق ٷشٸن – تاعىلىم الار تەربيە. مۇنداي كەشەندەر – جاستارىمىزدى وتانشىلدىققا تەربيەلەپ, ٶز ەلٸنە, جەرٸنە, ٶتكەنٸ مەن بولاشاعىنا دەگەن سىي-قۇرمەتتٸ قالىپتاستىرۋ قۇرالى دەپ بٸلەمٸز, - دەدٸ مۇرات ەيتەنوۆ.
جيىنالعاندار كومپوزيتسييالىق مٷسٸنگە گٷل شوقتارىن قويدى.
