شىمكەنتتەگٸ اۋرۋحانالاردىڭ بٸرٸندە تٶبەلەس بولدى, - دەپ حابارلايدى "ۇلت اقپارات".
كەلەڭسٸز جاعدايدىڭ ۆيدەوسى ەلەۋمەتتٸك جەلٸدە تارادى. بەينەجازبادان ناۋقاستىڭ الدىمەن ەدەپسٸز سٶزدەر ايتقانىن, سودان كەيٸن كٷش كٶرسەتۋگە كٶشكەنٸن بايقاۋعا بولادى.
"وقيعا 20 قىركٷيەك ساعات 19:50-دە گيپەربارييالىق وكسيگەناتسييا ورتالىعىندا بولعان. 1995 جىلى تۋعان ازامات جەدەل جەردەم كٶلٸگٸمەن اۋرۋحاناعا جەتكٸزٸلگەن. جاقىندارىنىڭ ايتۋىنشا, پاتسيەنت ۋلى سۇيىقتىق ٸشكەن.
دەرٸگەرلەر ناۋقاستى تەكسەرٸپ, پسيحيكالىق قوزۋ جاعدايىنا بايلانىستى تىنىشتاندىرۋ شارالارىن جٷرگٸزۋ ٷشٸن جانساقتاۋ بٶلٸمٸنە كٸرگٸزگەن. الايدا ناۋقاس كٶمەككە قارسىلىق تانىتىپ, مەديتسينا قىزمەتكەرلەرٸنە قاتىستى كٷش قولدانعان.
ورىن العان جاعدايعا بايلانىستى 102-قىزمەتٸنە حابار بەرٸلدٸ", - دەيدٸ ۆەدومستۆو ٶكٸلدەرٸ.
ابىروي بولعاندا اق حالاتتىلار اۋىر جاراقات الماعان.
ال شىمكەنت پوليتسييا دەپارتامەنتٸ قۇقىق بۇزۋشىنىڭ ۇستالعانىن حابارلادى.
"20 قىركٷيەك كەشكە شىمكەنت قالاسى پد ەل-فارابي اپب-نىڭ 102 پۋلتٸنە مەديتسينالىق مەكەمەلەردٸڭ بٸرٸنەن شاقىرتۋ كەلٸپ تٷستٸ.
وقيعا ورنىنا بارعان پوليتسەيلەر مەكەمەگە جەدەل جەردەممەن جەتكٸزٸلگەن ناۋقاس العاشقى مەديتسينالىق كٶمەك كٶرسەتۋ كەزٸندە مەدقىزمەتكەرلەرگە شابۋىل جاساعانىن انىقتادى.
قۇقىق بۇزۋشى ۇستالدى. ساراپتاما تاعايىندالدى, ونىڭ قورىتىندىسى بويىنشا قر-نىڭ زاڭناماسى اياسىندا تيٸستٸ شارا قابىلدانادى" - دەلٸنگەن حابارلامادا.
