بٷگٸن شىمكەنت قالاسى ەل-فارابي اۋدانىنىڭ ەكٸمٸ باۋىرجان قالجانوۆ جىل بويى اتقارعان جۇمىستارى جٶنٸندە حالىق الدىندا ەسەپ بەردٸ, دەپ حابارلايدى "ۇلت اقپارات" Rgmedia.kz سايتىنا سٸلتەمە جاساپ. بۇل جيىنعا قالا ەكٸمٸ نۇرلان ساۋرانباەۆ تا قاتىستى.
باۋىرجان احمەتەلٸۇلى باياندامانى مەملەكەتتٸك تٸلدە جاسادى. ەيتسە دە, 100 پايىز مەملەكەتتٸك تٸلدە جاسالعان بۇل بايانداماعا جەرگٸلٸكتٸ بٸر تۇرعىن نارازىلىق تانىتتى.
– نۇرسۇلتان ەبٸشۇلى ەرقاشان ەكٸ تٸلدە سٶيلەيدٸ. ەكٸمدٸك مەملەكەتتٸك مەكەمە بولىپ تابىلادى. قۇرمەتتٸ اۋدان ەكٸمٸ, سٸز كونستيتۋتسييانىڭ بٸر بابىن بۇزدىڭىز, — دەگەن تۇرعىن جيىندا قر رەسمي تٸل — ورىس تٸلٸنٸڭ «جەتٸمسٸرەپ» قالعانىنا كٶڭٸلٸ تولمادى. بۇل «سىنعا» باۋىرجان احمەتەلٸۇلى جاۋاپ بەرمەدٸ. تەك جيىن مەرەسٸنە جاقىنداعاندا قالا ەكٸمٸ نۇرلان ساۋرانباەۆ اتالعان سىنعا پٸكٸر بٸلدٸردٸ:
– ەلباسى بٸزگە پريمەر دە كٶرسەتٸپ جاتىر. ۆەزدە نا ۆسەح مەروپريياتيياح دولجنى ۆەستيس نا دۆۋح يازىكاح. ۆوت ۆى پوسلانيە جولداۋدى سوڭعى ەستٸدٸڭٸز عوي? دۆا ۆوپروستى ەلباسى قازاقشا ايتتى, ەكٸ ۆوپروستى ورىسشا ايتتى. پوەتومۋ ۆ ەتوم وتنوشەنيي دوستۋپنوست ينفورماتسيي ي كونستيتۋتسيوننايا پراۆا وني دولجنى ۆسەگدا سوبليۋداتسيا. پوەتومۋ باۋىرجان 10 بالنىي سيستەما, ساعان… سٸزگە بەرٸ سولاي دەدٸ. بٸراق, مىنا جاعىنان يا دۋمايۋ ەست ۆوپروسى كوتورىە… بايانداما جاساعاندا تاعى دا ٸشٸندە يلي دوپولنەنيە وبيازاتەلنو نەتٸپ نەعىلىڭدار. ول جاعىنان يا دۋمايۋ پراۆيلنوە زامەچانيە وت جيتەليا گورودا بىلا. پوەتومۋ ەتي ۆوپروسى يا دۋمايۋ چتو نادو وبيازاتەلنو سوبليۋدات. (قالا ەكٸمٸنٸڭ سٶزٸ قاز-قالپىندا بەرٸلدٸ)
وسىلاي دەگەن نۇرلان ەرمەكۇلى قالا تۇرعىنىڭ سٶزٸنە قوسىلاتىنىن ايتىپ, اۋدان ەكٸمٸ باۋىرجان احمەتەلٸۇلىنا ەسكەرتۋ جاسادى. ال اتقارعان جۇمىستارىنا وڭ باعا بەردٸ.
