كٷننٸڭ بۇزىلۋىنا بايلانىستى شىعىس قازاقستان وبلىسىنىڭ بٸرقاتار بٶلٸگٸندە اۆتوكٶلٸك قوزعالىسىنا شەكتەۋ قويىلدى, دەپ حابارلايدى "ۇلت اقپارات" يندۋسترييا جەنە ينفراقۇرىلىمدىق دامۋ مينيسترلٸگٸنٸڭ Telegram ارناسىنا سٸلتەمە جاساپ.
1 ناۋرىز, ساعات 04.50-دەن باستاپ اۋا رايىنىڭ بۇزىلۋىنا بايلانىستى «ٶسكەمەن-التاي-قاتون-قاراعاي-راحمان شوقىسى» اۆتوجولىنىڭ 7-166 شاقىرىمىندا, ۋشانوۆسكوە اۋىلى-التاي قالاسى اۋماعىندا اۆتوكٶلٸكتٸڭ بارلىق تٷرٸ ٷشٸن قوزعالىس شەكتەلدٸ.
ساعات 5.00-دەن باستاپ بوران تۇرىپ, جول كٶرٸنٸسٸ قيىنداعاندىقتان «ٶسكەمەن-شەمونايحا-رف شەكاراسى» تاسجولىنىڭ 36-102 شاقىرىمىندا, پرەدگورنوە اۋىلى-شەمونايحا قالاسى اۋماعى مەن «ٶسكەمەن-ريددەر-رف شەكاراسى» تاسجولىنىڭ 15-105 شاقىرىمىندا, بەلوۋسوۆكا اۋىلى-ريددەر قالاسى اۋماعىندا جٷك كٶلٸگٸ مەن قوعامدىق كٶلٸكتٸڭ جٷرۋٸنە تىيىم سالىندى.
ساعات 07.20-دان باستاپ «ٶسكەمەن-شەمونايحا-رف شەكاراسى» اۆتوجولىنىڭ 36-102 شاقىرىمىندا, پرەدگورنوە اۋىلى-شەمونايحا قالاسى مەن «ٶسكەمەن-ريددەر-رف شەكاراسى» تاسجولىنىڭ 15-105 شاقىرىمى, بەلوۋسوۆكا اۋىلى-ريددەر قالاسى اۋماعىندا اۆتوكٶلٸكتٸڭ بارلىق تٷرٸ ٷشٸن قوزعالىس شەكتەلدٸ.
