Kúnniń buzylýyna bailanysty Shyǵys Qazaqstan oblysynyń birqatar bóliginde avtokólik qozǵalysyna shekteý qoiyldy, dep habarlaidy "Ult aqparat" Indýstriia jáne infraqurylymdyq damý ministrliginiń Telegram arnasyna silteme jasap.
1 naýryz, saǵat 04.50-den bastap aýa raiynyń buzylýyna bailanysty «Óskemen-Altai-Qaton-Qaraǵai-Rahman shoqysy» avtojolynyń 7-166 shaqyrymynda, Ýshanovskoe aýyly-Altai qalasy aýmaǵynda avtokóliktiń barlyq túri úshin qozǵalys shekteldi.
Saǵat 5.00-den bastap boran turyp, jol kórinisi qiyndaǵandyqtan «Óskemen-Shemonaiha-RF shekarasy» tasjolynyń 36-102 shaqyrymynda, Predgornoe aýyly-Shemonaiha qalasy aýmaǵy men «Óskemen-Ridder-RF shekarasy» tasjolynyń 15-105 shaqyrymynda, Beloýsovka aýyly-Ridder qalasy aýmaǵynda júk kóligi men qoǵamdyq kóliktiń júrýine tyiym salyndy.
Saǵat 07.20-dan bastap «Óskemen-Shemonaiha-RF shekarasy» avtojolynyń 36-102 shaqyrymynda, Predgornoe aýyly-Shemonaiha qalasy men «Óskemen-Ridder-RF shekarasy» tasjolynyń 15-105 shaqyrymy, Beloýsovka aýyly-Ridder qalasy aýmaǵynda avtokóliktiń barlyq túri úshin qozǵalys shekteldi.
