شىعىس قازاقستان وبلىسىن ورمان ٶرتٸ شارپىدى: قۇرعاق شٶپ تابيعي اپاتقا ەكەلدٸ, - دەپ حابارلايدى Tengrinews.kz تٸلشٸسٸ.
وقيعا 6 قىركٷيەكتە كاتونقاراعاي اۋدانىنداعى التىنبەل اۋىلىنان سەگٸز شاقىرىم جەردە بولعان.
"نوۆو-بەرەزوۆسكوە ورمان شارۋاشىلىعى اۋماعىنداعى ورماندى القاپتا 40 گەكتار اۋماقتا قۇرعاق شٶپتەر مەن بۇتالار ٶرتەندٸ. ەلدٸ مەكەندەرگە قاۋٸپ تٶنٸپ تۇرعان جوق", - دەپ حابارلادى شىعىس قازاقستان وبلىسىنىڭ تٶتەنشە جاعدايلار دەپارتامەنتٸ.
ٶرتتٸ سٶندٸرۋگە 60-تان اسا ادام مەن بەس تەحنيكا جۇمىلدىرىلعان. ٶرتتٸ سٶندٸرۋگە تٶتەنشە جاعدايلار دەپارتامەنتٸ, ورمان شارۋاشىلىعى, ەكٸمدٸك پەن پوليتسييا قىزمەتكەرلەرٸ اينالىستى.
"7 قىركٷيەك كٷنٸ تاڭەرتەڭ قوسىمشا ورمان شارۋاشىلىعىنىڭ 30 قىزمەتكەرٸ كٶمەككە جٸبەرٸلدٸ", - دەپ قوستى دەپارتامەنتٸ ٶكٸلٸ.
