Shyǵys Qazaqstan oblysyn orman órti sharpydy: qurǵaq shóp tabiǵi apatqa ákeldi, - dep habarlaidy Tengrinews.kz tilshisi.
Oqiǵa 6 qyrkúiekte Katonqaraǵai aýdanyndaǵy Altynbel aýylynan segiz shaqyrym jerde bolǵan.
"Novo-Berezovskoe orman sharýashylyǵy aýmaǵyndaǵy ormandy alqapta 40 gektar aýmaqta qurǵaq shópter men butalar órtendi. Eldi mekenderge qaýip tónip turǵan joq", - dep habarlady Shyǵys Qazaqstan oblysynyń Tótenshe jaǵdailar departamenti.
Órtti sóndirýge 60-tan asa adam men bes tehnika jumyldyrylǵan. Órtti sóndirýge Tótenshe jaǵdailar departamenti, orman sharýashylyǵy, ákimdik pen politsiia qyzmetkerleri ainalysty.
"7 qyrkúiek kúni tańerteń qosymsha orman sharýashylyǵynyń 30 qyzmetkeri kómekke jiberildi", - dep qosty departamenti ókili.
