دٷيسەنبٸ كٷنٸ شىعىس يەرۋساليمدە بولعان پوليتسييامەن قاقتىعىس كەزٸندە 300-دەن استام ادام جارالاندى. ەل-اقسا مەشٸتٸ ماڭىنداعى تەرتٸپسٸزدٸك كەزٸندە جارالانعان 230 ادام اۋرۋحاناعا جەتكٸزٸلدٸ, جەتەۋٸنٸڭ حەلٸ مٷشكٸل. بۇل تۋرالى Associated Press اگەنتتٸگٸ جازدى.
ليۆاندىق Al Mayadeen تەلەارناسى دٷيسەنبٸ كٷنٸ كەشكە قاراي قاقتىعىستىڭ توقتاعانىن حابارلادى.
AP-دٸڭ جازۋىنشا, پوليتسييا كٶزدەن جاس اعىزاتىن گاز بەن قۇلاق تۇندىراتىن گراناتا قولدانعان. يەرۋساليم بيلٸگٸ تەرتٸپسٸزدٸككە بايلانىستى حرام تاۋىنا باراتىن جولدى جاپقان.
جىل سايىن 10 مامىردا يەرۋساليم كٷنٸ اتاپ ٶتٸلەدٸ: بۇل كٷن 1967 جىلعى التى كٷندٸك سوعىستان كەيٸن شىعىس يەرۋساليمنٸڭ يزرايل قاراماعىنا ٶتۋٸنە وراي بەلگٸلەنگەن. بيىل بۇل كٷن مۇسىلماندار ٷشٸن قاسيەتتٸ اي سانالاتىن رامازان ايىمەن تۇسپا-تۇس كەلدٸ.
يزرايل قورعانىس ارميياسىنىڭ باسپاسٶز قىزمەتٸ تۋيتتەردە حاماس توبىنىڭ يزرايل اۋماعىنا قاراي ٷش زىمىران ۇشىرعانىن حابارلادى. بۇعان جاۋاپ رەتٸندە يزرايل حاماس نىساندارىن اتقىلاعان. بۇل تۋرالى "نيۋسرۋ.كوم" پورتالى حابارلادى.
وسىعان دەيٸن اقش پرەزيدەنتٸنٸڭ ۇلتتىق قاۋٸپسٸزدٸك جٶنٸندەگٸ كەڭەسشٸسٸ دجەيك سالليۆان يزرايلدٸك ەرٸپتەسٸ مەير بەش-شاباتپەن تەلەفون ارقىلى ەڭگٸمەلەسٸپ, يەرۋساليمدەگٸ احۋالعا الاڭداعان.
