جەكسەنبٸ, 7 ناۋرىز كٷنٸ شۆەيتسارييادا قوعامدىق ورىندا كٸسٸنٸڭ جٷزٸن جاسىراتىن كيٸممەن جٷرۋدٸ تىيۋ جٶنٸندە داۋىس بەرٸپ جاتىر. ەلدە بار-جوعى وتىز شاقتى ەيەل عانا بەتٸن ورامالمەن بٷركەمەلەيدٸ.
باستاما قولداۋ تاۋىپ, زاڭ ٶزگەرسە, نارازىلىق اكتسييالارىندا دا بەتتٸ جاۋىپ جٷرۋگە تىيىم سالىنادى. بٸراق وسى رەفەرەندۋمنىڭ ٶتۋٸنە ۇيىتقى بولعان ناۋقان باستامانىڭ نيكا نەمەسە بۋركا سەكٸلدٸ مۇسىلمان ەيەلدەردٸڭ كيٸمٸنە باعىتتالعانىن كٶرسەتتٸ. ەدەتتە مۇنداي كيٸمدٸ كونسەرۆاتيۆتٸ ۇستانىمداعى مۇسىلماندار كيەدٸ.
ەرەكشە جاعدايلار دا قاراستىرىلعان. دٸني جورالعىلار مەن دەستٷرلٸ كارناۆالدار كەزٸندە رۇقسات ەتٸلەدٸ. سونداي-اق دەنساۋلىق جاعدايى دا ەسكەرٸلەدٸ. شۆەيتسارييادا قازٸر كوروناۆيرۋس ٸندەتٸنە بايلانىستى ماسكا تاعۋ مٸندەتتٸ.
وڭشىل پارتييالار كٶشەلەرگە بەتٸن قارا ورامالمەن جاپقان ەيەلدٸڭ بەينەسٸن ورناتىپ, داۋىس بەرۋشٸلەردٸ "ەكسترەميزمدٸ توقتاتۋ" شارالارىن قولداۋعا شاقىرىپ وتىر.
مەسەلە دٸن ەركٸندٸگٸ, قاۋٸپسٸزدٸك, ەكونوميكا جەنە ەيەل قۇقىقتارى جٶنٸندەگٸ پٸكٸرتالاستاردىڭ توعىسىندا تۇر.
بۇل شاراعا قارسىلىق بٸلدٸرگەن شۆەيتسارييا ٷكٸمەتٸ بەتٸن جاۋىپ جٷرەتٸننٸڭ كٶبٸ تۋريست ەكەنٸن, زاڭنىڭ پارسى شىعاناعىنداعى باقۋاتتى تۋريستەر مەن كەسٸپكەرلەردٸ ٷركٸتۋٸ مٷمكٸن ەكەنٸن ايتادى.
باستامانى سىناپ وتىرعاندار زاڭنىڭ دٸني قۇقىقتاردى بۇزىپ, مۇسىلمانداردى ستيگمالايتىنىن ايتادى. باسقالارى مۇنداي زاڭنىڭ قاجەت ەمەس, ٶيتكەنٸ ەلدە بار-جوعى وتىز شاقتى مۇسىلمان ەيەل عانا بەتٸن جابادى دەيدٸ.
شۆەيتسارييا كانتوندارىنىڭ بٸرٸ سانكت-گاللەندە بۋركا كييۋ وسىعان دەيٸن-اق تىيىم سالىنعان. جەرگٸلٸكتٸ پوليتسييا زاڭ ٸسكە قوسىلعان ەكٸ جىلدىڭ ٸشٸندە ەشقانداي مەسەلەگە تاپ بولماعانىن ايتادى.
شارانىڭ جاقتاستارى زاڭ ەيەلدەر قۇقىعىن قورعاپ, ەيەلدەردٸڭ قوعامعا ينتەگراتسييالانۋىنا ىقپال ەتەدٸ دەيدٸ.
مۇنىڭ الدىندا قوعامدىق ورىندا بۋركا كييۋدٸ فرانتسييا, بەلگييا جەنە اۆسترييا ەلدەرٸ تىيعان. اۆسترييادا پوليتسييا ورامال تاققان ەيەلدەرگە حاراسسمەنت جاساعان بٸرنەشە جاعداي تٸركەلدٸ.
8,6 ميلليون حالقى بار شۆەيتساريياداعى تٸكە دەموكراتييا جٷيەسٸ اياسىندا رەفەرەندۋمدار مەن بٷكٸلحالىقتىڭ داۋىس بەرۋ بٸرنەشە اي سايىن ٶتٸپ تۇرادى.
داۋىس بەرۋگە كەز كەلگەن 100 مىڭ ادامنىڭ قولداۋىن تاپقان كەز كەلگەن مەسەلەنٸ كٸرگٸزۋگە بولادى.
شۆەيتسارييالىقتار مۇنىمەن قاتار ەلەكتروندى سەيكەستەندٸرۋ كۋەلٸگٸن ەنگٸزۋ جەنە يندونەزييامەن ساۋدا كەلٸسٸمٸ جٶنٸندە داۋىس بەرەدٸ.
