شۆەتسييا پروكۋراتۋراسى "زورلاۋ" بابى بويىنشا ايىپتالعان ۋيكيليكس (WikiLeaks) جوباسىنىڭ نەگٸزٸن قالاۋشى دجۋليان اسسانجدىڭ ٷستٸنەن قوزعالعان قىلمىستىق ٸستٸ توقتاتتى.
پروكۋراتۋرا ٶكٸلٸنٸڭ ايتۋىنشا, اسسانجدىڭ كٸنەلٸ ەكەنٸن دەلەلدەيتٸن ايعاق جەتكٸلٸكسٸز بولعاندىقتان ٸس سوتقا جٸبەرٸلمەگەن. الايدا پروكۋراتۋرا بۇل شەشٸمدٸ اپەللياتسيياعا بەرۋگە بولاتىنىن ايتتى.
شۆەتسييا 2010 جىلى اسسانجعا "زورلاۋ" بابى بويىنشا ايىپ تاققان. ۋيكيليكس جوباسىنىڭ اۆتورى تاعىلعان ايىپتى جوققا شىعارعان. شۆەتسييا ۇلىبريتانييادان اسسانجدى ەكستراديتسييالاۋدى تالاپ ەتٸپ, اقىرىندا ۋيكيليكس جەتەكشٸسٸ لوندونداعى ەكۆادور ەلشٸلٸگٸن پانالاۋعا مەجبٷر بولعان. ەكۆادور بيلٸگٸ وعان ساياسي باسپانا بەردٸ.
ەلشٸلٸك عيماراتىندا جەتٸ جىلعا جۋىق ۋاقىت تۇرعان اسسانج بيىل كٶكتەمدە ساياسي تۇتقىن مەربەسٸنەن ايرىلىپ, بريتان پوليتسيياسىنىڭ قولىنا تٷستٸ. ول قازٸر ۇلىبريتانييادا كەپٸلدٸك شارتىن بۇزعانى ٷشٸن تٷرمەدە جازاسىن ٶتەپ جاتىر. ول سونىمەن بٸرگە ٶزٸن اقش-قا ەكستراديتسييالاۋ بويىنشا سوت شەشٸمٸن كٷتٸپ وتىر.
"قۇپييا اقپاراتتاردى جارييالاۋمەن" تانىمال بولعان ۋيكيليكس جوباسىنىڭ اۆتورى دجۋليان اسسانجعا اقش-تا 17 ايىپ تاعىلعان. ولاردىڭ اراسىندا "تىڭشىلىق" بابى دا بار. زاڭگەرلەر وعان 175 جىل جازا بەرٸلۋٸ مٷمكٸن دەپ بولجايدى.
اقش دەموكراتتارىنىڭ سەرۆەرٸنەن ۇرلانعان قۇجاتتاردى جارييالاۋ ٸسٸندە دە اسسانجدىڭ اتى اتالادى. بۇعان دەيٸن اقش-تىڭ ارنايى پروكۋرورى روبەرت ميۋللەر وسى ٸس بويىنشا رەسەيدٸڭ ەسكەري بارلاۋ قىزمەتٸن ايىپتاعان.
مامىر ايىنىڭ سوڭىندا بۇۇ-نىڭ قىسىممەن كٷرەس جٶنٸندەگٸ ٶكٸلٸ نيلس مەلتسەر اسسانجدىڭ تٷرمەدە پسيحولوگييالىق قىسىم كٶرٸپ وتىرعانىن مەلٸمدەگەن. مەلتسەردٸڭ ايتۋىنشا, ۋيكيليكس جەتەكشٸسٸنٸڭ اينالاداعى ادامداردان قاتتى قاۋٸپتەنەتٸنٸ بايقالعان.
اسسانجدى ەكۆادور ەلشٸلٸگٸنەن شىعارىپ, بريتان پوليتسيياسى ۇستاعاننان كەيٸن شۆەتسييا ونىڭ ٷستٸنەن قوزعالعان قىلمىستىق ٸستٸ قايتا قولعا العان. الايدا شۆەد سوتى لوندوننان ونى ەكستراديتسييالاۋدى سۇرامادى.
