2018 جىلعى 24 قاڭتاردا ستوكگولم قالاسىنىڭ وكرۋگتٸك سوتى ۇلتتىق قوردىڭ شۆەتسييادا ورنالاسقان اكتيۆتەرٸنە تىيىم سالۋ جٶنٸندەگٸ بۇدان بۇرىن قابىلدانعان بۇيرىقتىڭ كٷشٸن جويماۋ تۋرالى شەشٸم قابىلدادى, دەپ حابارلايدى Baq.kz اقپارات اگەنتتٸگٸ قازاقستان رەسپۋبليكاسى ەدٸلەت مينيسترلٸگٸنٸڭ رەسمي سايتىنا سٸلتەمە جاساپ.
بۇدان بۇرىن حابارلانعانداي, شۆەدتٸك سوت ۇلتتىق قوردىڭ 33 شۆەدتٸك كومپانييانىڭ اكتسييالارى تٷرٸندەگٸ جالپى سوماسى شامامەن 100 ملن اقش دوللارى كٶلەمٸندەگٸ اكتيۆتەرٸنە يەلٸك ەتۋگە جەنە قازاقستاننىڭ شۆەتسيياداعى ەلشٸلٸگٸنٸڭ بانك شوتتارىنا ۋاقىتشا شەكتەۋ قويدى.
كەيٸن قازاقستان رەسپۋبليكاسىنىڭ ٶتٸنٸشحاتى نەگٸزٸندە ەلشٸلٸكتٸڭ شوتتارىنان اۋىرتپالىقتى الىپ تاستاۋعا قول جەتكٸزٸلدٸ. الايدا, سوت اكتيۆتەردٸڭ مەرتەبەسٸ, ۇلتتىق بانكتٸڭ قۇقىقتىق جاعدايى جەنە ونىڭ ۇلتتىق قوردىڭ قاراجاتىن باسقارۋ بويىنشا ٶكٸلەتتٸكتەرٸ تۋرالى دەلەلدەردٸ نازارعا المادى.
قازاقستان رەسپۋبليكاسى ەدٸلەت مينيسترلٸگٸ جەنە ۇلتتىق بانك تىيىم سالىنعان قاراجاتتىڭ حالىقارالىق كەلٸسٸمدەرگە سەيكەس قول سۇعىلمايتىندىعىن دەلەلدەي وتىرىپ, اتالعان شەشٸمگە شۆەتسييانىڭ اپەللياتسييالىق سوتىندا شاعىم جاسايتىن بولادى.
