شري-لانكا تاريحىندا ەڭ ٷلكەن ەكولوگييالىق اپاتتى باستان كەشٸرٸپ جاتىر. ەلدەگٸ تانىمال كۋرورتتاردىڭ جاعاجايلارى MV X-Press Pearl جٷك كەمەسٸندەگٸ ٶرت سالدارىنان ميكروپلاستيككە تولىپ قالدى, دەپ حابارلايدى ەuronews.
جٷك كەمەسٸ 25 توننا ازوت قىشقىلىن, ناتريي گيدروكسيدٸ مەن باسقا دا قاۋٸپتٸ حيميكاتتاردى, سونداي-اق پلاستيك پاكەتتەر جاساۋعا ارنالعان شيكٸزات بار 28 كونتەينەردٸ تاسىمالداپ بارا جاتقان. مۇنداي شيكٸزات تەڭٸز جانۋارلارىنا قاۋٸپتٸ.
جەرگٸلٸكتٸ تۇرعىندارعا قوقىستى ۇستاماۋ كەرەكتٸگٸن ەسكەرتتٸ, ٶيتكەنٸ ول ٶتە ۋلى بولۋى مٷمكٸن. وقيعا ورنىنان 50 ميل راديۋستا بالىق اۋلاۋعا تىيىم سالىندى. تازارتۋ جۇمىسىنا قورعانىس قۇرالدارىن كيگەن مىڭداعان ەسكەري قىزمەتشٸ جۇمىلدىرىلدى.
سينگاپۋردا تٸركەلگەن كەمە ٷندٸستاننىڭ گۋدجاراتىنان كولومبوعا بارا جاتقان. ول 20 مامىردا شري-لانكا جاعالاۋىندا ٶرتەنٸپ كەتٸپ, قازٸر كولومبو استاناسىنان 9 ميل قاشىقتا زەكٸر تاستاپ توقتادى. جالىندى تولىعىمەن سٶندٸرۋ مٷمكٸن بولمادى. ٶرت سٶندٸرۋشٸلەردٸڭ جۇمىسىن مۋسسون جەلدەرٸ كەدەرگٸ كەلتٸرۋدە.
كەمە كاپيتانى مەن باس ينجەنەرٸ – رەسەيلٸكتەر, ال كاپيتاننىڭ كٶمەكشٸسٸ – ٷندٸستاندىق. ٷشەۋٸنەن دە تەرگەۋشٸلەر جاۋاپ الدى. قازٸرگٸ مەلٸمەت بويىنشا, كاپيتان ازوت قىشقىلىنىڭ تٶگٸلە باستاعانى تۋرالى كەمە شري-لانكانىڭ اۋماعىنداعى تەڭٸز بٶلٸگٸنە كٸرمەي تۇرىپ بٸلگەن. بۇل ٶرتتٸڭ شىعۋىنا ازوتتىڭ تٶگٸلۋٸ سەبەپ بولعان دەپ بولجانادى.
بيلٸك كونتەينەر تاسىمالداۋشى كەمە يەلەرٸ مەن ونىڭ كومانداسىن سوتقا بەرٸپ, شىعىندى ٶتەۋدٸ تالاپ ەتپەك.
