شري-لانكادا جەكسەنبٸ, 21 سەۋٸردە بولعان بٸرنەشە جارىلىستان قازا تاپقاندار سانى 200-دەن استى. 500-دەن استام ادام جارالانعان. شري-لانكا پوليتسيياسى مەن دەرٸگەرلەرٸ بەرگەن سوڭعى دەرەك وسىنداي. Reuters اگەنتتٸگٸ 207 ادامنىڭ قازا تاپقانىن حابارلادى.
سوڭعى دەرەك بويىنشا, جەكسەنبٸ, 21 سەۋٸردە شري-لانكانىڭ تٷرلٸ اۋماعىندا سەگٸز جارىلىس بولعان. ونىڭ تٶرتەۋٸ - قوناق ٷيدە, ٷشەۋٸ - شٸركەۋدە بولدى. تاعى بٸر جارىلىس تۋرالى ەزٸرگە تولىمدى دەرەك جوق.
جارىلىستىڭ باسىم بٶلٸگٸ - كولومبو قالاسىندا بولعان. ەل استاناسىنىڭ سولتٷستٸگٸنە قاراي ورنالاسقان نەگومبو جەنە شىعىس جاعالاۋداعى باتتيكالوا قالاسىنداعى شٸركەۋلەر دە بٷلٸنگەن.
بۇل 10 جىل بۇرىن ەلدە ازاماتتىق سوعىس اياقتالعالى بەرٸ بولىپ وتىرعان ٸرٸ شابۋىل. پوليتسييا دەرەگٸنشە, قازا تاپقاندار اراسىندا كەمٸندە 35 شەتەل ازاماتى بار. قازاقستاننىڭ سٸم 21 سەۋٸردە كەشكٸسٸن "الدىن الا دەرەك بويىنشا, قازا تاپقاندار اراسىندا قازاقستاندىقتار جوق" دەپ مەلٸمدەدٸ.
ەزٸرگە وقيعانى بٸردە-بٸر ۇيىم موينىنا العان جوق. شري-لانكا پرەمەر-مينيسترٸ شابۋىلعا قاتىسى بار بولۋى مٷمكٸن سەگٸز ادامنىڭ ۇستالعانىن حابارلادى. ولاردىڭ جەرگٸلٸكتٸ تۇرعىندار ەكەنٸ ايتىلادى.
بيلٸك ەلدە كومەندانتتىق ساعات ەنگٸزٸپ, ەلەۋمەتتٸك جەلٸلەرگە كٸرۋگە شەكتەۋ قويعان. شابۋىلدى ەلەم ەلدەرٸنٸڭ جەتەكشٸلەرٸ ايىپتادى. قازاقستاننىڭ پرەزيدەنتٸ قاسىم-جومارت توقاەۆ شري-لانكا حالقى مەن ەل باسشىلىعىنا كٶڭٸل ايتتى.
سەۋٸردٸڭ 21-ٸ كٷنٸ شري-لانكادا بٸرنەشە جارىلىس بولىپ, ەۋەل باستا جٷزدەن استام ادامنىڭ قازا تاپقانى حابارلانعان. كەيٸنٸرەك حالىقارالىق اگەنتتٸكتەر قازا تاپقان ازاماتتاردىڭ 200-دەن اسقانىن حابارلادى.
