قر مەملەكەتتٸك قىزمەت ٸستەرٸ جەنە سىبايلاس جەمقورلىققا قارسى ٸس-قيمىل اگەنتتٸگٸنٸڭ تٶراعاسى اليك شپەكباەۆ شىمكەنتتە جۇمىس ۋاقىتىن تاڭعى سەگٸزدەن باستاپ, تٷسكٸ ٷزٸلٸستٸ قىسقارتۋدى ۇسىندى. بۇل تۋرالى اگەنتتٸك تٶراعاسى اتالعان قالاعا جۇمىس ساپارى بارىسىندا ايتتى, دەپ حابارلايدى قازاقپارات تٸلشٸسٸ.
قالا اكتيۆٸمەن كەزدەسكەن اگەنتتٸك تٶراعاسى مەملەكەتتٸك قىزمەتكەرلەر ٷشٸن جاڭا جۇمىس كەستەسٸن جاساۋعا شاقىردى.
«مەملەكەتتٸك قىزمەت سالاسىنداعى ٷزدٸك تەجٸريبەلەرگە سٷيەنە وتىرىپ, بٸز شىمكەنت قالاسى ەكٸمٸنٸڭ اپپاراتىنا جۇما كٷنٸ جاڭا جۇمىس كەستەسٸن پيلوتتىق رەجيمدە ەنگٸزۋدٸ ۇسىنامىز. ياعني, جۇمىس كٷنٸ تاڭعى ساعات 8:00-دە باستالىپ ساعات 16:00-دە اياقتالاتىن بولادى. وسىلايشا, 8 ساعاتتىق جۇمىس كٷنٸ ساقتالادى. جەنە بۇل جۇمىس كەستەسٸن پيلوتتىق رەجيمدە شىمكەنتتەن باستاۋدى ۇسىنامىن. سەبەبٸ, شىمكەنت - ەڭ كرەاتيۆتٸ قالا», - دەدٸ اگەنتتٸك تٶراعاسى.
ەكٸم ٶز كەزەگٸندە ايتىلعان ۇسىنىستى قولداپ, اگەنتتٸك تٶراعاسىنا سەنٸم ارتقانى ٷشٸن العىسىن بٸلدٸردٸ.
مەملەكەتتٸك ورگاندار باسشىلارىنىڭ قاتىسۋىمەن ٶتكەن جيىندا اگەنتتٸكتٸڭ شىمكەنت قالاسى بويىنشا دەپارتامەنتٸنٸڭ باسشىسى ەلي كٶمەكباەۆ, سىبايلاس جەمقورلىققا قارسى ٸس-قيمىل ۇلتتىق بيۋروسىنىڭ شىمكەنت قالاسى بويىنشا دەپارتامەنتٸنٸڭ باسشىسى مۇرات قارىمساقوۆ, قالا ەكٸمٸ اپپاراتىنىڭ باسشىسى ەركەعالي ەلٸمقۇلوۆ بايانداما جاسادى.
ايتا كەتەيٸك, كەزدەسۋدە سىبايلاس جەمقورلىققا قارسى ٸس-قيمىل بويىنشا ەلٸمٸزدە جٷزەگە اسىرىلىپ جاتقان ساياسات پەن ازاماتتاردىڭ قاجەتتٸلٸگٸنە باعىتتالعان مەملەكەتتٸك اپپاراتتىڭ الداعى پەرسپەكتيۆاسى سٶز بولدى.
