مەملەكەتتٸك قىزمەت ٸستەرٸ جەنە سىبايلاس جەمقورلىققا قارسى ٸس-قيمىل اگەنتتٸگٸنٸڭ تٶراعاسى اليك شپەكباەۆ اگەنتتٸكتٸڭ ورتالىق اپپاراتى مەن اۋماقتىق بٶلٸمشەلەرٸنٸڭ دەپارتامەنتتەرٸنە رەسمي فەيسبۋك-پاراقشا اشۋدى تاپسىردى, دەپ حابارلايدى "ۇلت اقپارات".
«ٶتكەن جىلدىڭ سوڭىندا فەيسبۋكتە پاراقشا جەنە تۇرعىنداردىڭ ۇسىنىستارى مەن شاعىمدارى ٷشٸن جەكە پوشتا اشتىم. وسى ۋاقىتتا ەلەۋمەتتٸك جەلٸلەردٸڭ دەستٷرلٸ باق-تان كەم تٷسپەيتٸن ماڭىزدى بايلانىس قۇرالى ەكەنٸن تٷسٸندٸم. وسىعان بايلانىستى, اگەنتتٸكتٸڭ ورتالىق اپپاراتى مەن اۋماقتىق بٶلٸمشەلەرٸنٸڭ دەپارتامەنت باسشىلارىنا قىزمەتتٸك ماقساتتا رەسمي فەيسبۋك-پاراقشا اشۋدى تاپسىرامىن», - دەدٸ اليك شپەكباەۆ اگەنتتٸكتٸڭ كەڭەيتٸلگەن القا وتىرىسىندا.
ونىڭ ايتۋىنشا, ەلەۋمەتتٸك جەلٸ تۇرعىنداردىڭ ناقتى مەسەلەسٸنەن حاباردار بولىپ, جۇمىستىڭ اشىق بولۋىن قامتاماسىز ەتەدٸ.
«بارلىقتارىڭىز مٸنسٸز يميدج بولعانىن قالايسىزدار, سوندىقتان جەلٸدە بەلسەندٸ جۇمىس ٸستەيسٸزدەر دەپ ٷمٸتتەنەمٸن. جاڭا دەۋٸردٸڭ جاڭا تالاپتارى بار جەنە جاقىن بولاشاقتا جۇمىسىمىزدىڭ باسىم بٶلٸگٸ تسيفرلىق كەڭٸستٸككە ٶتەدٸ. دامىعان ەلدەردٸڭ كٶپشٸلٸگٸندە مەملەكەتتٸك ورگاندار ەلەۋمەتتٸك جەلٸ ارقىلى رەسمي جاۋاپ تاراتادى. بٸز دە بٸرتٸندەپ وسىعان كەلە جاتىرمىز», - دەدٸ اليك شپەكباەۆ.
