بيزنەس پەن ينۆەستيتسييالاردى سىبايلاس جەمقورلىق قىسىمىنان جەنە ەكٸمشٸلٸك كەدەرگٸلەردەن قورعاۋ – ەلدٸڭ كٷن تەرتٸبٸندەگٸ نەگٸزگٸ باسىمدىقتارىنىڭ بٸرٸ. بۇل تۋرالى قر سىبايلاس جەمقورلىققا قارسى ٸس-قيمىل اگەنتتٸگٸنٸڭ تٶراعاسى اليك شپەكباەۆ Facebook-تەگٸ پاراقشاسىندا جازدى, دەپ حابارلايدى "ۇلت اقپارات".
ونىڭ ايتۋىنشا, 19 تامىزدا ٶتكەن سىبايلاس جەمقورلىققا قارسى ٸس-قيمىل مەسەلەلەرٸ جٶنٸندەگٸ كەڭەيتٸلگەن كەڭەستە مەملەكەت باسشىسى وسى باعىتتى كٷشەيتۋگە باسا نازار اۋدارعان.
«بۇل مەسەلە جىل سايىنعى جولداۋدا دا ناقتى ايقىندالدى. شاعىن جەنە ورتا بيزنەس COVID-19 پاندەميياسى جاعدايىندا قيىن كەزەڭدٸ باستان كەشۋدە جەنە بۇرىنعىدان دا زور قولداۋدى قاجەت ەتەدٸ. وسى تۇرعىدان العاندا كەسٸپكەرلٸك قىزمەتكە زاڭسىز ارالاسۋ «مەملەكەتكە قارسى ەڭ اۋىر قىلمىس» رەتٸندە قاراستىرىلۋى تيٸس.
شاعىن بيزنەس بويىنشا حالىقارالىق كەڭەستٸڭ (ICSB) دەرەكتەرٸنە سەيكەس, شوب ەلەمدەگٸ بارلىق كەسٸپورىنداردىڭ 90%-دان استامىن قۇراپ, شامامەن حالىقتى جالپى 70% جۇمىسپەن قامتۋدى جەنە جٸٶ-نٸڭ 50%-ىن قامتاماسىز ەتەدٸ. بۇل تۇرعىدا ازاماتتاردىڭ ەل-اۋقاتى جەكە سەكتورداعى ٸستەردٸڭ احۋالىنا تٸكەلەي بايلانىستى ەكەنٸن ناقتى تٷسٸنۋ قاجەت.
بۇل – سالىق تٷسٸمدەرٸ, جۇمىس ورىندارىن قۇرۋ, جاڭا تەحنولوگييالار جەنە ادام كاپيتالىن دامىتۋ. بٸر سٶزبەن ايتقاندا, بيزنەس مەملەكەتكە حالىق الدىنداعى ەلەۋمەتتٸك مٸندەتتەمەلەردٸ ورىنداۋعا كٶمەكتەسەدٸ. بٸز بيزنەسكە نەعۇرلىم تيٸمدٸ جاعداي جاساساق, سوعۇرلىم ول ٶنٸمدٸ جۇمىس ٸستەپ, قوعامعا پايدا ەكەلەدٸ», - دەدٸ اليك شپەكباەۆ.
ونىڭ ايتۋىنشا اگەنتتٸك سوڭعى ٷش جىلدا شەنەۋنٸكتەردٸڭ زاڭسىز ارالاسۋىنان مىڭنان استام كەسٸپكەردٸڭ مٷددەسٸن قىلمىستىق-قۇقىقتىق شارامەن قورعاعان. بۇل جۇمىس جالعاسىن تاپپاق. سونىمەن قاتار, سىبايلاس جەمقورلىققا قارسى قىزمەتتٸڭ ەربٸر وفيتسەرٸنە بيزنەس ٸسٸنە ارالاسۋ فاكتٸلەرٸنە جول بەرمەۋ تۋرالى جەكە ەسكەرتٸلگەن.
«بٷگٸن مەن كەشەندٸ الدىن الۋ باعىتىنا تولىعىراق توقتالعىم كەلەدٸ. 2018 جىلدان باستاپ بٸز سىرتقى ٸستەر مينيسترلٸگٸمەن, «Kazakh Invest «ۇك» اق-مەن جەنە «اتامەكەن» ۇكپ-مەن بٸرلەسٸپ «Protecting business and investments» جوباسىن ٸسكە اسىرىپ كەلەمٸز. قازٸرگٸ ۋاقىتتا وعان جاڭا سەرپٸن بەرٸلدٸ.
نەگٸزگٸ ماقسات – بيزنەس پەن ينۆەستورلاردىڭ قىزمەت ٷدەرٸستەرٸن سىبايلاس جەمقورلىققا قارسى سٷيەمەلدەۋ ارقىلى ولاردىڭ مەملەكەتتٸك بيلٸك ينستيتۋتتارىنا سەنٸمٸن ارتتىرۋ.
بۇل كەسٸپكەرلەردٸڭ تۋىنداعان مەسەلەلەرٸن شەشۋدە قۇقىقتىق الاڭ اياسىندا كٶمەك كٶرسەتۋدٸ بٸلدٸرەدٸ. ٶكٸنٸشكە وراي, ولار كٶپ جاعدايدا بيۋروكراتييالىق كٸدٸرٸستەر مەن قاعازباستىلىقتى باستان كەشٸرە وتىرىپ, «كابينەتتەر ارالاۋعا» مەجبٷر. الايدا, ولار جالعىز كٷرەسۋگە تيٸستٸ ەمەس», - دەدٸ اليك شپەكباەۆ.
بٷگٸنگٸ تاڭدا اگەنتتٸكتٸڭ اۋماقتىق دەپارتامەنتتەرٸ سىبايلاس جەمقورلىققا قارسى سٷيەمەلدەۋمەن جالپى ينۆەستيتسييا سوماسى 12 ترلن تەڭگەدەن اساتىن 500-دەن استام بيزنەس-جوبا جٷزەگە اسىرۋدا.
«جوبالاردىڭ 20%-ى – شەتەلدٸك ينۆەستورلاردىڭ سالىمى. ولاردىڭ كٶبٸسٸ قىتاي, رەسەي, گەرمانييا جەنە تٷركييا ەلدەرٸنەن. باە, اقش, پولشا, نيدەرلاند جەنە باسقا دا ەلدەردٸڭ بيزنەسمەندەرٸنٸڭ قاتىسۋىن اتاپ ٶتكٸم كەلەدٸ. ٸس جٷزٸندە ەربٸر ەكٸنشٸ جوبا – ٶڭدەۋ ٶنەركەسٸبٸ سالالارىندا, ەربٸر بەسٸنشٸ جوبا – اۋىل شارۋاشىلىعىندا ٸسكە اسۋدا.
بٸز ٸلەسپە بيزنەس جٷگٸنەتٸن پروبلەمالىق مەسەلەلەردٸ زەرتتەدٸك. ولار نەگٸزٸنەن ينۆەستورلىق ۆيزالارعا, ليتسەنزييالارعا, سالىق سالۋعا, كەدەندٸك باجدارعا, جوسپاردان تىس تەكسەرۋلەرگە جەنە جەر قاتىناستارىنا قاتىستى.
سونىمەن قاتار, بيزنەسپەن جۇمىس «بٸر قاقپانىڭ ويىنى» بولماۋى كەرەك ەكەنٸن اتاپ ٶتەمٸن. كەسٸپكەرلەردٸڭ ٶزدەرٸ مەملەكەتتٸك ورگاندارمەن ٶزارا ٸس-قيمىل كەزٸندە زاڭسىز ٸس-ەرەكەتتەردٸڭ باستاماشىسى بولاتىن جاعدايلار جيٸ كەزدەسەدٸ», - دەدٸ اليك شپەكباەۆ.
ونىڭ ايتۋىنا, اگەنتتٸكتٸڭ بيزنەس-جوبانى سىبايلاس جەمقورلىققا قارسى سٷيەمەلدەۋٸنٸڭ نەگٸزگٸ شارتى – شەتەلدٸك, سونداي-اق وتاندىق ينۆەستور بٸردەي شارتتا ادال بيزنەس جٷرگٸزۋگە مٸندەتتەنەتٸن كەلٸسٸمگە قوسىلۋ.
«بۇل باعىتتا كەسٸپكەرلەردٸڭ ساناسىن ٶزگەرتۋ ماڭىزدى. ٸستەردٸ جٷرگٸزۋ كەزٸندە پاراساتتىلىق بەرٸك ستاندارت بولۋى كەرەك. بۇعان حالىقارالىق ۇيىمداردىڭ بٸرقاتار ۇسىنىمدارى, اتاپ ايتقاندا, «شىعىس ەۋروپا مەن ورتا ازيياداعى بيزنەستٸڭ پاراساتتىلىعى» جەنە «بيزنەستٸ جاۋاپتى جٷرگٸزۋ» اتتى ەىدۇ-نىڭ سىبايلاس جەمقورلىققا قارسى ستاندارتتارى مەن زەرتتەۋلەرٸ دەلەل بولا الادى.
بۇل ٷدەرٸس كۆازيمەملەكەتتٸك سەكتوردا سىبايلاس جەمقورلىققا قارسى كومپلاەنس ينستيتۋتىن تولىققاندى ەنگٸزۋمەن ايتارلىقتاي جاندانادى. تيٸستٸ زاڭ جوباسىن مەجٸلٸس جەنە بٸرٸنشٸ وقىلىمدا سەنات ماقۇلدادى.
ەگەر سٸزدٸڭ بيزنەس-جوباڭىز ٸسكەرلٸك پاراساتتىلىق قاعيداتتارىن ساقتاي وتىرىپ جۇمىس ٸستەۋگە دايىن بولسا, بٸز ٶز تاراپىمىزدان سٸزدٸ قولداپ, سىبايلاس جەمقورلىق كٶرٸنٸستەرٸ مەن ەكٸمشٸلٸك توسقاۋىلداردان قورعاۋعا دايىنبىز», - دەدٸ اليك شپەكباەۆ.
اگەنتتٸك باسشىسى انتيكور-سٷيەمەلدەۋگە ٶتٸنٸم بەرۋ جەنە كەلٸسٸمگە قوسىلۋ تۋرالى سۇراقتار بولسا, +7 (707) 350-63-07 جەنە +7 (701) 575-40-37 (WhatsApp) تەلەفوندارى بويىنشا جوبالىق كەڭسەنٸڭ ٷيلەستٸرۋشٸلەرٸنە جٷگٸنۋگە بولاتىنىن جەتكٸزدٸ. ولار اۋماقتىق دەپارتامەنتتەرٸ جانىنداعى «Antikor Ortalyǵy» سەرۆيستٸك ورتالىعىندا انتيكور مەن ٶڭٸرلٸك كەسٸپكەرلەر پالاتاسىنىڭ قىزمەتكەرلەرٸمەن كەزدەسۋدٸ قامتاماسىز ەتەدٸ.
