قر مەملەكەتتٸك قىزمەت ٸستەرٸ جەنە سىبايلاس جەمقورلىققا قارسى ٸس-قيمىل اگەنتتٸگٸ مەملەكەتتٸك قىزمەت بەدەلٸن تٷسٸرەتٸن ەرەكەتتەر ساناتىنا ەدەپ بۇزۋشىلىقتاردىڭ جەكە قۇرامىن ەنگٸزبەك.
بۇل جايىندا بٷگٸن اتالعان اگەنتتٸك تٶراعاسىنىڭ ورىنباسارى اليك شپەكباەۆ مەلٸم ەتتٸ, دەپ حابارلايدى قازاقپارات.
سەناتتىڭ حالىقارالىق قاتىناستار, قورعانىس جەنە قاۋٸپسٸزدٸك كوميتەتٸندە ٶتكەن «قر-دا سىبايلاس جەمقورلىققا قارسى ٸس-قيمىل مەسەلەلەرٸ بويىنشا زاڭنامانى جەتٸلدٸرۋ» تاقىرىبىنداعى دٶڭگەلەك ٷستەل بارىسىندا نەگٸزگٸ بايانداما جاساعان شپەكباەۆتىڭ ايتۋىنشا, ەلٸمٸزدە ەدەپ كودەكسٸن بۇزعان مەملەكەتتٸك قىزمەتشٸلەرگە جازا جەڭٸل. مەسەلەن, ولار قىزمەتتٸك كٶلٸكتەردٸ جەكە ماقساتىندا پايدالانسا, ازاماتتارعا جەنە قىزمەتتەستەرٸنە دٶرەكٸلٸك تانىتسا, كٶلٸكتٸ ماس كٷيٸندە باسقارسا نەمەسە ماس كٷيٸندە قوعامدىق ورىنداردا جٷرسە ەسكەرتۋ الادى نە قاتاڭ سٶگٸس الىپ قۇتىلادى.
«بٸردەن قاتاڭ شارالار قابىلداۋ قاجەت دەپ وتىرعانىمىز جوق. دەگەنمەن, تىم بولماعاندا قىزمەتٸنە تولىق سەيكەس كەلمەيتٸندٸگٸن جارييالاپ, ٷش جىل بويى جوعارى تۇرعان لاۋازىمعا جوعارىلاۋ قۇقىعىنان ايىرۋعا نەمەسە لاۋازىمىن تٶمەندەتۋگە بولار ەدٸ. ارى كەتكەندە, ەدەپ نورماسىن ٶرەسكەل بۇزعانى ٷشٸن جۇمىستان شىعارۋ قاجەت», - دەدٸ ول.
وسى رەتتە حالىقارالىق قاتىناستار, قورعانىس جەنە قاۋٸپسٸزدٸك كوميتەتٸنٸڭ تٶرايىمى داريعا نازارباەۆا اگەنتتٸك باسشىسىنىڭ ورىنباسارىنان مەملەكەتتٸك قىزمەتشٸنٸڭ ازاماتتارعا دٶرەكٸلٸك تانىتقانىن قالاي دەلەلدەۋگە بولاتىنىن سۇرادى.
«بٸزدە جازبا جٷرگٸزۋگە تىيىم سالىنباعان. ەركٸمنٸڭ دە مۇنداي مٷمكٸنشٸلٸگٸ بار. مۇنداي شاعىمداردى قاراعان كەزٸمٸزدە كٶپشٸلٸگٸ جازىپ الىپ, سونىمەن فاكتٸنٸ دەلەلدەپ جاتادى. قازٸردٸڭ ٶزٸندە 62 فاكتٸ بويىنشا جاۋاپقا تارتتىق. مۇنداي فاكتٸلەرگە جول بەرگەندەردٸڭ باسىم بٶلٸگٸ مەملەكەتتٸك قىزمەتشٸلەر», - دەپ جاۋاپ بەردٸ شپەكباەۆ.
