"جارالانعان جٷرەكتەر", "ايمان-شولپان", "اناشىم, مەنٸ قالدىرما", "شابدالى" فيلمدەرٸنە تٷسكەن تەاتر جەنە كينو اكتريساسى شولپان ەلگەزەكوۆا جاڭا جىل قارساڭىندا جانتٷرشٸگەرلٸك اپاتتان كٶز جۇمدى. ەلگەزەكوۆانىڭ ەرٸپتەستەرٸ مارقۇمنىڭ تۋىستارى مەن جاقىندارىنا قايعىرا كٶڭٸل ايتىپ, ەستەلٸكتەرٸمەن بٶلٸستٸ, دەپ جازادى Sputnik.
اكادەمييادا وقىپ جٷرگەندە جٷرگەندە "ساحنا تٸلٸ" پەنٸنەن ساباق بەرگەن ۇستازى ورازحان كەنەباەۆتىڭ ايتۋىنشا, شولپان ەلگەزەكوۆانىڭ بويىنداعى كٸشٸپەيٸلدٸلٸك قاسيەتٸ بالا كەزدەگٸدەن دە ارتا تٷسكەن. وتاندىق "ايمان-شولپان" سەريالىندا بٸر تٷسٸرٸلٸم توبىندا جۇمىس ٸستەگەن ۇستاز بەن شەكٸرت بٸرنەشە جىلدان كەيٸن كەزدەسكەن. اكتەردٸڭ ايتۋىنشا, ورتاسىنا سىيلى بولعان ستۋدەنت شولپان ٶز جۇمىسىنا دا اسقان ۇقىپتىلىقپەن قارايتىن تالانتتى اكتريساعا اينالعان.
"شولپان اكادەمييادا وقىپ جٷرگەندە "ساحنا تٸلٸ" پەنٸنەن مەنەن ساباق العان. تەرتٸپتٸ, ۇقىپتى بالا بولاتىن. ٷلكەندٸ ٷلكەندەي, كٸشٸنٸ كٸشٸدەي سىيلاي بٸلەتٸن, ٶزٸن سىيلاتا بٸلەتٸن ورتاسىنا سىيلى ادام ەدٸ. سودان كەيٸن مەن ونى كٶپ ۋاقىت كٶرگەن جوقپىن. جوعالتىپ الدىم. سٶيتسەم استانادا بولعان ەكەن. كەيٸننەن "ايمان-شولپان" سەريالىندا كەزدەستٸك. قىزىمىزدى كٶرگەنٸمە قۋانىشتى بولدىم. شولپان – جۇمىسىنا ات ٷستٸ قارامايتىن, ٶزٸ سومدايتىن رٶلدٸ تولىقتاي زەرتتەگەن, ٷلكەن بٸلٸممەن كەلگەن اكتريسا. ٷلكەيە كەلە كٸشٸپەيٸلدٸلٸگٸ ارتقان ەكەن. ەشكٸمنٸڭ الدىنان ٶتپەيدٸ. ەردايىم اعالاپ تۇراتىن", — دەيدٸ ورازحان كەنەباەۆ.
"شابدالىنىڭ" كاستينگٸنەن سٷرٸنبەي ٶتتٸ
"شولپانمەن 2011 جىلى "جاستىعىم مەنٸڭ — استانا" دەگەن شاعىن تەلەۆيزييالىق فيلمنٸڭ تٷسٸرٸلٸمٸندە تانىستىق.
كەيٸن مەن و كٸسٸنٸ مٷلدەم ۇمىتىپ كەتٸپپٸن. اراعا جەتٸ جىل سالىپ, "شابدالىنىڭ" كاستينگٸندە كەزدەستٸك. باس كەيٸپكەردٸڭ اناسىنىڭ رٶلٸنە بٸرنەشە ٷمٸتكەر بولدى. بەرٸ جاقسى, بٸرٸنەن بٸرٸ ٶتكەن, بٸرٸ تەاتردىڭ ساحناسىندا شىڭدالعان, بٸرٸ كينوداعى پراكتيكاعا باي اكتريسالار كەلٸپ جاتتى.
بٸراق ماعان بٸردەڭە جەتپەي تۇردى. گرافيك بويىنشا تٷسٸرٸلٸم ەرتەڭ. مەن باس كەيٸپكەرلەردٸ ۇدايى اپتالاپ, كەيدە ايلاپ ٸزدەيمٸن", — دەيدٸ "شابدالى" فيلمٸنٸڭ قويۋشى رەجيسسەرٸ جاندوس قۇسايىن.
رەجيسسەردٸڭ ايتۋىنشا, ول تٷسٸرٸلٸمنٸڭ الدىندا كەشكٸ ساعات جەتٸگە دەيٸن سوڭعى ٷمٸتكەرگە دەيٸن كٷتكەن. ال سوڭعى ٷمٸتكەر بولىپ شولپان ەلگەزەكوۆا مەزگٸلدٸڭ قىس بولعانىنا قاراماستان شاشىن تٷيٸپ, كٶزٸنە كٷننەن قورعايتىن كٶزٸلدٸرٸك كيٸپ كٸرٸپ كەلگەن كٶرٸنەدٸ.
"ەركٸن سٶيلەيدٸ. كٸرە كاستينگ اتقارۋشى قىزداردى قاعىتىپ قويادى. ٶزٸن ون سەگٸزدەگٸ بويجەتكەن سەزٸنەدٸ. ستسەناريي بويىنشا, بٸزگە كەرەك اكتريسا — باس كەيٸپكەردٸڭ اناسى. انا كەرەك بٸزگە. ال مىنا كٸسٸنٸڭ ٶزٸ قىز سەكٸلدٸ… تٷرٸنە قاراپ ەم, شىرامىتتىم. كامەرانىڭ الدىنا كەلٸپ تۇردى. مونيتوردان قارادىم. كەلبەتٸ كەلٸستٸ, تٷرٸ سٷيكٸمدٸ, قىلىعى تارتىمدى. ٶزٸنە جاراساتىن ەركەلٸگٸ دە بار. ستسەنارييدەن بٸر ساحنا بەردٸك. تٷرلەنٸپ سالا بەردٸ. باعاناعى قىز قىلىق جايىنا قالدى. اشۋلاناتىن جەردە شاتىنادى, جىلايتىن جەردە ەپ-سەتتە كٶزٸنە جاز الدى. مۇڭايا سالادى دا, كەنەت جانارى جارق ەتٸپ كٷلەدٸ. ٸشٸم جىلىپ سالا بەردٸ. "شولپان, بىلاي ايتىڭىز" دەيمٸن — اينا-قاتەسٸز ورىندايدى. "ەندٸ بىلاي دەڭٸز" دەيمٸن. تاپ-تۇيناقتاي تەحنيكا. سەزٸمگە باي. ٸشٸ بوس ەمەس. كوماندامەن اقىلداسىپ, اينالاسى بٸر ساعاتتا "شابدالىنىڭ" باس رٶلٸنە بەكٸتٸلٸپ كەتە باردى", — دەپ ەسكە الدى رەجيسسەر.
الايدا, تٷسٸرٸلٸمنٸڭ بٸرٸنشٸ كٷنٸندە شولپان ەلگەزەكوۆا مەتٸننەن جاڭىلا بەرگەن. "ستسەناريي بويىنشا قوستانايلىق ەيەل, قازاقشاسىنان گٶرٸ ورىسشاسى جٷيرٸك بولۋى كەرەك ەدٸ", — دەيدٸ رەجيسسەر. سول سەتتە جاندوس قۇسايىن ٶزٸنٸڭ تاڭداۋدا جاڭىلعانىن ايتىپ, اكتريسانى اۋىستىرۋ كەرەك ەكەنٸن ايتقان. الايدا ۋاقىت پەن ەنەرگييانى شىعىنداعان تٷسٸرٸلٸم توبى تاعى بٸر كٷن سىناپ كٶرۋدٸ ۇسىنعان. تٷسٸرٸلٸمنٸڭ ەكٸنشٸ كٷنٸنەن باستاپ اكتريسا وبرازىنا كٸرٸپ, رٶلدٸ تٷرلەندٸرە تٷسكەن.
"شولپان ٶز وبرازىنا كٶپ ەلەمەنت قوستى, تٷرلەندٸردٸ, تولىقتىردى. تٷسٸرٸلٸم بارىسىندا ٷنەمٸ ٸزدەنٸپ, "ول مىنا سٶزدٸ بىلاي ايتادى, مىنا ەرەكەتتٸ بىلاي ٸستەيدٸ" دەپ جٷرەتٸن. جۇمىسىنا جٷردٸم-باردىم قارامايدى. تٷسكٸ استا قاتار وتىرامىز. مەنٸ سۇراقتارمەن مەزٸ ەتەدٸ. "مىنا جەردە نەگە ٶيتەدٸ ە? ول نەگە بىلاي سٶيلەيدٸ, نەگە بىلاي ٸستەيدٸ". "شولپان, بۇل جالعاندا "شابدالىدان" دا باسقا قىزىقتار بار, مىسالى, مىنا پالاۋدى, ەنەبٸر سالاتتى ەڭگٸمە قىلايىقشى" دەپ كٷلەتٸنمٸن. ول بولسا كەيٸپكەرٸن تالقىلاۋدان تالمايتىن. ازداپ قيياليلاۋ دا ەدٸ", — دەيدٸ رەجيسسەر.
"جٷرەگٸنٸڭ نەزٸكتٸگٸ ايتقان ەڭگٸمەلەرٸنەن بٸلٸنەدٸ"
"شابدالى" فيلمٸندە شولپان ەلگەزەكوۆانٸڭ قىزىنىڭ رٶلٸن سومداعان ايدانا قىزىلكۇلوۆا اكتريسانى ەردايىم كٷلٸمدەپ جٷرەتٸن, كٶزدەرٸنٸڭ جالىنىنان ٶمٸرگە دەگەن ماحابباتى كٶرٸنەتٸن دەپ ەسكە الدى.
"مەن "شابدالى" فيلمنٸڭ تٷسٸرٸلٸمٸنە كەلگەندە, سەمكا باستالىپ كەتكەن بولاتىن. شولپان تەتەنٸ العاش كٶرگەندە: "و, دوچا, قالايسىڭ? ۇزاق كٷتٸپ قالدىق قوي سەنٸ", — دەپ قارسى العان.
بۇل كٸسٸ ەردايىم كٷلٸمدەپ جٷرەتٸن, كٶزدەرٸنٸڭ جالىنىنان ٶمٸرگە دەگەن ماحابباتى كٶرٸنەتٸن. بٸلەر-بٸلمەسٸمدٸ ايتىپ, كەڭەس بەرٸپ تۇراتىن. تٷسٸرٸلٸم كەزٸنەن تىس حابارلاسىپ, "وسىنداي جوبا بولعالى جاتىر, سوعان بار, كٶر" دەپ باعىتتايتىن مەنٸ. شولپان تەتەنٸڭ جٷرەگٸنٸڭ نەزٸكتٸگٸ ايتقان ەڭگٸمەلەرٸنەن بايقالادى.
تٷسٸرٸلٸمنٸڭ سوڭعى كٷندەرٸندە, ارامىزدا "انا مەن قىز" تۋرالى سٶز قوزعالعان بولاتىن. تٷيٸندەپ, ماعان "ەگەر سەندە سونداي تاڭداۋ بولسا, ماحاببات پا, ەلدە كارەرا ما, سەن نەنٸ تاڭداۋشى ەدٸڭ?" دەگەندە, سۇراققا سۇراق قايتارىپ, "ال, سٸز شە? قىزىڭىزعا قانداي اقىل ايتار ەدٸڭٸز?" دەگەندە, ول ماعان "ەگەر قازٸرگٸ كەزدە ادامنىڭ شىنايى بولمىسى, شىنايى قارىم-قاتىناسى بٸردەن كٶرٸنەتٸن بولسا عوي, مەن ٶزٸم جەتەكتەپ اپارىپ بەرۋشٸ ەدٸم جەنە سەن مەنٸ وسىلاي قيناماۋشى ەدٸڭ" دەپ كٷلٸمدەگەن بولاتىن", — دەپ قايعىرا ەسكە الدى ايدانا قىزىلكۇلوۆا.
"جوسپارى كٶپ ەدٸ"
تەاتر جەنە كينو اكتەرى دۋلىعا اقمولدانىڭ ايتۋىنشا, شولپان ەلگەزەكوۆا قازاقستاندا قۋىرشاق تەاترىن قولعا الۋدى جوسپارلاپ جٷرگەنٸن ايتتى.
"شامامەن بٸر اي بۇرىن رەجيسسەر ارمان قاراباەۆتىڭ جاڭا جوباسىندا شولپان ەلگەزەكوۆامەن تانىسىپ, بٸرٸنشٸ رەت كينودا ساحنالاس بولدىق. قايتىس بولدى دەگەن كەزدە, جەلٸدەن سۋرەتٸن كٶرگەن كەزدە ٶزٸمدە تولقۋ بولدى. كەشە عانا بٸرگە جۇمىس ٸستەپ, سىرلاس بولعان ادامنىڭ دٷنيەدەن ٶتكەنٸن ەستۋ كٶڭٸلٸمٸزگە قايعى ورناتتى. ٶتە تالانتتى اكتريسا ەدٸ. قۋىرشاق تەاترى قازاقستاندا كەنجەلەپ كەلەدٸ, سونى دامىتقىم كەلەدٸ دەپ ٶزٸنٸڭ جوسپارلارىن ايتىپ ەدٸ", — دەدٸ اقمولدا.
29 جەلتوقساندا الماتىدا اباي مەن سەيفۋللين كٶشەسٸندەگٸ جانتٷرشٸگەرلٸك جول اپاتىنان ٷش ادام قايتىس بولدى. اراسىندا تەاتر جەنە كينو اكتريساسى شولپان ەلگەزەكوۆا بار.
