كەمبريدج ۋنيۆەرسيتەتٸنٸڭ باسپاسى قازاقتىڭ كٶرنەكتٸ عالىمى, ەتنولوگى, گەوگرافى, كارتوگرافى ەرٸ سۋرەتشٸسٸ شوقان ۋەليحانوۆتٸڭ تاڭداۋلى شىعارمالارىنىڭ اعىلشىن تٸلٸندەگٸ تۇڭعىش جيناعىن باسىپ شىعاردى. كٸتاپ قازاقستاننىڭ ۇلىبريتانيياداعى ەلشٸلٸگٸنٸڭ, قوستاناي وبلىسى ەكٸمدٸگٸنٸڭ جەنە ۇلتتىق اۋدارما بيۋروسىنىڭ قولداۋىمەن جارىق كٶرٸپ وتىر, دەپ حابارلايدى "ۇلت اقپارات".
ٸس-شارا ۇلىبريتانييانىڭ ەيگٸلٸ كورولدٸك گەوگرافييالىق قوعامىنىڭ قابىرعاسىندا ٶتتٸ. ال ونلاين كٶرسەتٸلٸمدٸ قازاقستان, ۇلىبريتانييا, كانادا, بٸرٸككەن اراب ەمٸرلٸكتەرٸ, پەرۋ, پولشا جەنە تٷركييا ەلدەرٸنەن 100-گە جۋىق كٶرەرمەن تاماشالادى.
شوقان ۋەليحانوۆتىڭ تاريحي جەنە عىلىمي ەڭبەكتەرٸ ٶتە قۇندى بولعانىنا قاراماستان, اعىلشىنتٸلدٸ ەلەمدە ەلٸ كٷنگە دەيٸن كەڭٸنەن تانىمال ەمەس. ەندٸ وسى كٸتاپتىڭ ارقاسىندا بۇل ولقىلىقتىڭ ورنى تولادى, دەيدٸ باسپاگەرلەر.
كەمبريدج ۋنيۆەرسيتەتٸنٸڭ باسقارۋشى ديرەكتورى دجەين ماننىڭ ايتۋىنشا, كەمبريدج ۋنيۆەرسيتەتٸنٸڭ باسپاسى تاريح جەنە انتروپولوگييا بويىنشا كٸتاپتاردىڭ جەتەكشٸ باسپاگەرٸ بولىپ سانالادى. «قازاقستاندىق اۆتوردىڭ ەڭبەگٸنٸڭ وسى تەكتەس كٸتاپتار تٸزٸمٸنە ەنۋٸ باسپا ٷيٸ تاريحىنداعى ماڭىزدى وقيعا. بٸز بٷگٸن تۇساۋىن كەسكەن ەرٸ جيناققا ەنگەن كٶپتەگەن شىعارمالار اعىلشىن تٸلٸندە سٶيلەيتٸن ستۋدەنتتەرگە, عالىمدارعا جەنە كەڭ اۋديتوريياعا جول تارتپاق», - دەدٸ دجەين مانن.
كٸتاپقا شوقان ۋەليحانوۆ زەرتتەگەن ورتالىق ازييانىڭ گەوگرافيياسى, تاريحى, ەتنولوگيياسى مەن ەكونوميكاسى تۋرالى عىلىمي مەلٸمەتتەر ەنگەن. شوقان ۋەليحانوۆ اتىنداعى تاريح جەنە ەتنولوگييا ينستيتۋتى اۋدارۋعا جٸبەرٸلۋٸ تيٸس ماتەريالداردى ٸرٸكتەۋ كەزٸندە قازاقتار مەن ٶڭٸردە مەكەن ەتكەن باسقا دا ۇلتتاردىڭ تاريحىن, سالت-دەستٷرلەرٸن, قازاق سوت ٸسٸن جٷرگٸزۋ جٷيەسٸن سيپاتتايتىن ماقالالارعا جٸتٸ مەن بەرگەن. سونداي-اق عالىمنىڭ دەموكراتييالىق كٶزقاراستارىنا, ونىڭ ٸشٸندە حالىق ٷشٸن پايدالى رەفورمالار تۋرالى ايتقان پٸكٸرلەرٸنە ەرەكشە نازار اۋدارعان.
كٸتاپ رەداكتورى, بريتانييالىق جازۋشى نيك فيلدينگتىڭ پٸكٸرٸنشە, ۇلى قازاق عالىمىنىڭ شىعارمالارىن اعىلشىن تٸلٸندە باسىپ شىعارۋ يدەياسى 2017-جىلى مەنٸڭ قازاقستانعا جاساعان ساپارلارىمنىڭ بٸرٸندە پايدا بولدى. «مەنٸ, ەسٸرەسە, شوقان ۋەليحانوۆتىڭ رەسەي يمپەريياسىندا كٸشٸ مەملەكەتتٸك قىزمەتشٸ بولا تۇرا قازاقتىڭ دەستٷرلٸ ٶمٸر سالتىن بۇزعىسى كەلگەن بيلٸككە قارسى سٶز ايتا بٸلگەندٸگٸ جەنە ٶز حالقىنا لايىقتى قۇرمەتپەن قاراۋدى تالاپ ەتكەندٸگٸ ەرەكشە تاڭ قالدىردى», - دەيدٸ نيك فيلدينگ.
