قازاقستاندا بيزنەستٸ قولداۋ ٷشٸن سالىقتىق ىنتالاندىرۋ شارالارى قابىلداندى. بۇل تۋرالى ورتالىق كوممۋنيكاتسييالار قىزمەتٸندەگٸ بريفينگتە قر ۇلتتىق ەكونوميكا ۆيتسە-مينيسترٸ مەدي تاقيەۆ ايتتى, دەپ حابارلايدى قازاقپارات.
«اعىمداعى جاعدايدا ٷكٸمەت مەملەكەت باسشىسىنىڭ تاپسىرماسى بويىنشا شاعىن جەنە ورتا بيزنەستٸ قولداۋ ٷشٸن جەدەل شارالار قابىلداپ جاتىر. جاڭا باستامالار بيزنەستٸڭ قارجىلاندىرۋعا قولجەتٸمدٸلٸگٸن ارتتىرۋدى, قوسىمشا سالىقتىق ىنتالاندىرۋدى ٸسكە اسىرۋدى, بيزنەستٸ تەكسەرۋلەردەن شەكتەۋدٸ كٶزدەيدٸ», - دەدٸ ول.
ونىڭ اتاپ ٶتۋٸنشە, مەملەكەت باسشىسىنىڭ «ەكونوميكانى تۇراقتاندىرۋ جٶنٸندەگٸ ودان ارعى شارالار تۋرالى» جارلىعىنا سەيكەس بيزنەستٸ قولداۋ ٷشٸن سالىقتىق ىنتالاندىرۋ شارالارى قابىلداندى. ولار ساۋدادان باستاپ تۋريستٸك بيزنەسكە دەيٸن ەكونوميكانىڭ تٷرلٸ سەكتورلارىن قامتيدى.
«مەسەلەن, ٸرٸ ساۋدا نىساندارى, ساۋدا ويىن-ساۋىق ورتالىقتارى, كينوزالدار, تەاترلار, كٶرمەلەر مەن سپورتتىق نىساندار, قوعامدىق تاماقتانۋ, قوناقٷي مەن تۋريستٸك قىزمەت سالاسىندا جۇمىس ٸستەيتٸن سالىق تٶلەۋشٸلەر جىلدىڭ سوڭىنا دەيٸن سالىقتان بوساتىلدى. بۇعان قوسا, سالىق سالۋدىڭ جالپى بەلگٸلەنگەن تەرتٸبٸمەن جۇمىس ٸستەيتٸن جەكە كەسٸپكەرلەر دە جىلدىڭ سوڭىنا دەيٸن جەكە تابىس سالىعىنان بوساتىلىپ وتىر», - دەدٸ مەدي تاقيەۆ.
سونداي-اق ۆيتسە-مينيستردٸڭ ايتۋىنشا, اگروٶنەركەسٸپ كەشەنٸن قولداۋ ماقساتىندا ٸرٸ قارا مەن اسىل تۇقىمدى قۇستى قوسا العاندا اٶك-تٸڭ بيولوگييالىق اكتيۆتەرٸن يپورتتاۋ بارىسىندا قوسىلعان قۇن سالىعى سالىنبايدى. بۇعان قوسا, اۋىل شارۋاشىلىعى تاۋارلارىن ٶندٸرۋشٸلەر اۋىل شارۋاشىلىعى ماقساتىنداعى جەرلەردٸڭ جەر سالىعىنان دا بوساتىلادى.
«سونىمەن قاتار باعا ٶسٸمٸن جويۋ ٷشٸن 2020 جىلدىڭ 1 قازانىنا دەيٸن ەلەۋمەتتٸك ماڭىزى بار ازىق-تٷلٸك تاۋارلارىنا قوسىلعان قۇن سالىعىنىڭ مٶلشەرلەمەسٸ 12-دەن 8 پايىزعا دەيٸن تٶمەندەتٸلدٸ», دەدٸ ول.
