كەشەلٸ بەرٸ ەلەۋمەتتٸك جەلٸدە تارالعان شىعىس قازاقستان وبلىسىنىڭ تارباعاتاي اۋدانى, كٶكجىرا اۋىلى تۇرعىندارىنىڭ پرەزيدەنتكە جولداعان اشىق حاتىندا جازىلعان دەرەكتەر جالعان بولىپ شىقتى, دەپ حابارلايدى "ۇلت اقپارات".
ال اتالعان حاتتىڭ سوڭىندا اتى-جٶندەرٸ جازىلىپ جٷرگەن اۋىل تۇرعىندارى بولسا ەشقانداي قاعازعا قول قويماعانىن, بۇل تۋرالى مٷلدەم بەيحابار ەكەنٸن ايتىپ تاڭعالىپ وتىر.
ەستەرٸڭٸزدە بولسا, شقو, تارباعاتاي اۋدانى, كٶكجىرا اۋىلىنىڭ بٸر توپ تۇرعىنى ەلەۋمەتتٸك جەلٸدە مەملەكەت باسشىسى قاسىم-جومارت توقاەۆقا «ەرۋاقتاردى كٷڭٸرەنتپەيٸك» دەگەن تاقىرىپتا اشىق حات جازعان. اشىق حاتتا بەلسەندٸلەر وسى اۋداننىڭ «ەلەكە سازى» دەپ اتالاتىن جەرٸندە 2017 جىلدان بەرٸ جٷرگٸزٸلٸپ كەلە جاتقان ارحەولوگييالىق جۇمىستاردىڭ سالدارىنان, ياعني قابٸردەگٸ ەرۋاقتاردى مازالاعاندىقتان جەرگٸلٸكتٸ جەردە ٶلٸم-جٸتٸم كٶبەيٸپ, كەلەڭسٸز جاعدايلار جيٸلەپ كەتكەنٸن العا تارتقان. الايدا بۇل اقپارات شىندىققا جاناسپايدى. وسى جاعدايعا بايلانىستى عالىمدار, تاريحشىلار, ارحەوولوگتار جەنە دٸن ٶكٸلدەرٸ ٶزدەرٸنٸڭ پٸكٸرٸن بٸلدٸرٸپ, جەلٸدە تارالعان جەلسٶزگە توقتاۋ ايتتى.
«اۋىلداعى كەلەڭسٸز ەلەۋمەتتٸك قۇبىلىستاردىڭ نەگٸزگٸ سەبەبٸن ارحەولوگييالىق قازبا جۇمىستارىنان ٸزدەۋدٸ – بەلگٸلٸ بٸر توپتىڭ ٶز ارام ويىن جٷزەگە اسىرۋدىڭ قۇرالى دەپ قاراۋ كەرەك. قازبا جۇمىستارى جٷرگٸزٸلگەن نىسانداردا ەشقاشان ادامنىڭ, مالدىڭ سٷيەكتەرٸ شاشىلمايدى, كەرٸسٸنشە, تالداپ, جينالىپ الىنادى. سەبەبٸ, تاريحي زەرتتەۋلەردەگٸ اسا قۇندى دەرەككٶز بولىپ تابىلاتىن ماتەريالداردى ارنايى ماماندار – انتروپولوگتار, پالەوگەنەتيكتەر جەنە پالەوزوولوگتار زەرتتەيدٸ. مەسكەۋدەن كەلگەن ادامدار, وسى قاتارداعى ماماندار. نىسانداردىڭ بارلىعى قايتادان جابىلادى, اسا قۇندى ەسكەرتكٸشتەر اسپان استىنداعى مۋزەيلەرگە اينالادى, ولاردىڭ جوبالارى جاسالۋدا», - دەيدٸ بەلگٸلٸ ارحەولوگ زەينەوللا ساماشەۆ.
قورىمداردى قازىپ, ارحەولوگييالىق زەرتتەۋ جۇمىستارىن جٷرگٸزۋ شاريعاتقا قايشى ەرەكەت ەمەس ەكەنٸن يمامدار دا تٷسٸندٸرٸپ بەردٸ.
«جالپى ەجەلگٸ تاريحي ورىندارعا ارحەولوگييالىق جۇمىستار بۇرىننان جٷرگٸزٸلٸپ كەلەدٸ. ونىڭ ٶزٸندٸك جٶن-جوسىعى, تەرتٸبٸ بولادى. دٸن بۇعان قارسى ەمەس. ال ەندٸ قابٸردٸ قازىپ, مەيٸتتٸ قورلايتىن بولسا ەڭگٸمە بٶلەك, وندايعا جول بەرٸلمەيدٸ, – دەيدٸ قازاقستان مۇسىلماندارى دٸني باسقارماسىنىڭ سەمەي ٶڭٸرٸ بويىنشا ٶكٸل يمامى اسقار مۇقانوۆ.
بۇل مەسەلەگە بايلانىستى اۋدان ەكٸمٸ مەن جاۋاپتى سالا ٶكٸلدەرٸ اۋىل تۇرعىندارىمەن سٶيلەسٸپ, جاعدايدى تٷسٸندٸردٸ. كٶكەيدەگٸ ساۋالدارىنا تولىق جاۋاپ العان جۇرتشىلىق ٶزدەرٸنٸڭ سىرتىنان قول قويعان ادامداردىڭ ەرەكەتٸن قاتاڭ سىنعا الىپ, ىڭعايسىزدىق ٷشٸن عافۋ ٶتٸندٸ. سوعان قارعاندا, بۇل ەرەكەتتٸڭ ارتىندا حالىقتىڭ اتىن پايدالانىپ, ەلەكە سازىنداعى قازبا جۇمىستارىنا كەدەرگٸ كەلتٸرۋدٸ كٶزدەگەن ارام پيعىلدى ادامدار تۇرعانى ايدان انىق. سوندىقتان اۋدان باسشىلىعى تۇرعىندارعا ەل ٸشٸندە تاراپ كەتكەن جالعان قاۋەسەتكە ەرٸپ, ارانداپ قالماۋ قاجەتتٸگٸن ەسكەرتتٸ.
