ٶسكەمەن قالاسىندا ٶتكەن «تۋعان جەر» فورۋمىندا «مەنٸڭ مەكتەبٸم» جوباسى ٸسكە قوسىلدى. اتالمىش جوبا اياسىندا شقو مەكتەپتەرٸنٸڭ حيمييا, فيزيكا, بيولوگييا, روبوتوتەحنيكا سىنىپتارى زاماناۋي تەحنيكالارمەن جابدىقتالماق.
«تۋعان جەر» فورۋمىنا قاتىسقان ايماق باسشىسى جوبامەن تولىقتاي تانىسىپ, بالانىڭ دٷنيەتانىمىن ەرتە جاستان قالىپتاستىرۋ ٷشٸن جاعداي جاساۋ قاجەتتٸگٸن ايتىپ ٶتتٸ. جوبا بويىنشا, ورتا بٸلٸم وشاقتارىنىڭ سىنىپتارى نازارباەۆ زيياتكەرلٸك مەكتەبٸندە ورناتىلعان تەحنيكالار سىندى جاڭا قۇرال-جابدىقتارمەن قامتىلماق.
– بٸز نازارباەۆ زيياتكەرلٸك مەكتەبٸنٸڭ وقۋ تەجٸريبەسٸن جەنە كٶرسەتكٸشتەرٸن تولىقتاي زەرتتەپ, قورىتىندى شىعاردىق. قازٸردە وبلىستاعى 277 مەكتەپتە 425 سىنىپتى جاڭاشالاندىرىپ, قۇرال-جابدىقتار ورناتۋ قاجەت. سونىڭ ٸشٸندە, 38 فيزيكا سىنىبىن, 37 حيمييا, 78 بيولوگييا, 272 روبوتوتەحنيكا سىنىپتارىن جالپى قۇنى 2,8 ملرد تەڭگەگە جابدىقتايمىز, – دەدٸ وبلىس باسشىسى دانيال احمەتوۆ.
قازٸردٸڭ ٶزٸندە بٸلٸم سالاسىنا قولداۋ كٶرسەتٸپ جاتقان كەسٸپكەرلەر از ەمەس. شەمونايحا اۋدانىندا ورنالاسقان «ۆىدريحينسكوە» جشس باسشىسى الەكساندر بەلكين ٶز قاراجاتىنا ۆىدريحا اۋىلدىق ورتا مەكتەبٸنٸڭ سىنىبىن روبوتوتەحنيكا سىنىبىمەن جابدىقتادى. ال زايساندىق كەسٸپكەر, «بوتا» شارۋا قوجالىعىنىڭ باسشىسى قاراتال اۋىلدىق ورتا مەكتەبٸنٸڭ گەوگرافييا سىنىبىن جابدىقتاۋعا قولداۋ كٶرسەتكەن.
فورۋم بارىسىندا شقو ەكٸمٸ دانيال احمەتوۆ ايتىپ ٶتكەندەي, بٸلٸم سالاسىنا بٶلٸنگەن ينۆەستيتسييا – مەملەكەت دامۋىنىڭ كەپٸلٸ.
