«كيەلٸ مەكەن» اپتالىعى اياسىندا شقو-داعى مەكەمەلەر مەن كەسٸپورىنداردىڭ ۇجىمدارى, جەرگٸلٸكتٸ اتقارۋشى ورگانداردىڭ ٶكٸلدەرٸ, جاستار مەن تۇرعىندار تاريحي-مەدەني ەسكەرتكٸشتەردٸڭ اۋماعىن اباتتاندىرۋدا.
ٶسكەمەندەگٸ قابانباي باتىر ەسكەرتكٸشٸنٸڭ ماڭىندا سەنبٸلٸك باستالدى. 2014 جىلى اشىلعان بۇل التى مەترلٸك مونۋمەنتتٸڭ اۆتورى – نۇرلان دالباي. اتى اڭىزعا اينالعان قولباسشى ات ٷستٸندە بەينەلەگەن.
"اباتتاندىرۋدى ناق وسى قابانباي باتىر ەسكەرتكٸشٸنەن باستاعانىمىزدىڭ ٶزٸندٸك مەنٸ بار. بۇل – جاي عانا مونۋمەنتالدى تاريحي-مەدەني نىسان ەمەس, قاسيەتتٸ ورىن! سوندىقتان وسى اۋماقتى تەرتٸپكە كەلتٸرٸپ, اباتتاندىرۋ ٶتە ماڭىزدى", – دەيدٸ شقو قوعامدىق كەڭەسٸنٸڭ مٷشەسٸ الدييار ەۋبەكٸروۆ.
«تازا قازاقستان» اكتسيياسىنا قاتىسۋشىلار قىس مەزگٸلٸندە ەسكەرتكٸشتٸڭ اينالاسىنا جينالىپ قالعان بٷكٸل قوقىستى تازارتتى. بٸر اپتا ٸشٸندە ولار شىعىس قازاقستانداعى باسقا دا كيەلٸ ورىنداردىڭ اۋماعىن رەتكە كەلتٸرەدٸ.
ەستەرٸڭٸزگە سالا كەتەيٸك, مەملەكەت باسشىسى قاسىم-جومارت توقاەۆتىڭ باستاماسىمەن ەلٸمٸزدە «تازا قازاقستان» اكتسيياسى ٶتٸپ جاتىر. ول بەس اپتاعا سوزىلادى, ەر اپتا بەلگٸلٸ بٸر تاقىرىپقا ارنالعان.
