شىعىس قازاقستان وبلىسىندا سۋ تاسقىنىمەن كٷرەسكە قاجەتتٸ قۇرال-جابدىقتار جەتٸسپەيدٸ. بۇل تۋرالى ٷكٸمەتتٸڭ سەلەكتورلىق رەجٸمدەگٸ وتىرىسىندا شىعىس قازاقستان وبلىسىنىڭ ەكٸمٸ دانيال احمەتوۆ ايتتى, دەپ حابارلايدى قازاقپارات.
«تٶتەنشە جاعدايلار دەپارتامەنتٸنٸڭ بٸردە-بٸر قۇرال-جابدىعى جوق. مىسالى, موتوپومپا. جوسپار بويىنشا ول وبلىستا 249 بولۋى كەرەك. ال بٸزدە 55-ٸ عانا بار - 22 پايىز. كٶشپەلٸ موتوپومپا - ەڭ كەرەگٸ وسى عوي, نورما بويىنشا 112 بولۋى كەرەك. ال بٸزدە ەكەۋ عانا. قايىققا توقتالايىق, ول 69 بولۋى قاجەت. ال بٸزدە 14 قايىق قانا بار. جول تالعامايتىن كٶلٸك, سالايداعىش 55 بولۋى تيٸس, بٸرەۋٸ دە جوق», - دەدٸ وبلىس باسشىسى.
سونىمەن قاتار دانيال احمەتوۆتٸڭ دەرەگٸنشە, ٶڭٸردە تٶتەنشە جاعدايلار قىزمەتٸندە نورماعا سەيكەس 55 كٶلٸك بولۋى شارت. ال قازٸرگٸ كەزدە وبلىستا تەك 9 كٶلٸك بار.
«ال ەندٸ جٸگٸتتەرٸمٸز سۋدىڭ باسىندا جٷر عوي. ولارعا گيدروكومبينەزون كەرەك. جوسپار بويىنشا 1 مىڭ بولۋى كەرەك. ال بٷكٸل وبلىستا 86 عانا. وسى جاعدايعا جاي قارامايىق. بيىلعى جىلدىڭ باسىندا 300 ملن تەڭگە بٶلدٸك. قازٸر تاعى 200 ملن بٶلٸپ وتىرمىز. بٸراق وسى مەسەلەنٸ بٸرگە شەشۋگە مٷمكٸنشٸلٸكتٸ تاۋىپ بەرسەڭٸز», - دەدٸ دانيال احمەتوۆ پرەمەر-مينيستر باقىتجان ساعىنتاەۆقا قاراتا.
وسى رەتتە ٷكٸمەت باسشىسى بۇل ۇسىنىستىڭ ٶتە ورىندى ەكەنٸن باسا اتاپ ٶتتٸ.
«اسقار ۇزاقبايۇلى, (قر پرەمەر-مينيسترٸنٸڭ ورىنباسارى مامين) قاجەتتٸ مەملەكەتتٸك ورگاندارمەن بٸرلەسە وتىرىپ, قاراپ شىعىڭىز. بۇل تەك قانا شىعىس قازاقستان وبلىسىنداعى جاعداي ەمەس. بارلىق وبلىستاردا سونداي بولۋى مٷمكٸن», - دەدٸ باقىتجان ساعىنتاەۆ.
