فوتو اشىق دەرەككٶزدەن الىندى
شقو-دا جىل باسىنان بەرٸ پروكۋراتۋرا اكتٸلەرٸ بويىنشا مەملەكەتكە 690 ميلليون تەڭگە سوماسىنا جەر ۋچاسكەلەرٸ قايتارىلدى, - دەپ حابارلايدى "ۇلت اقپارات" شىعىس قازاقستان وبلىسىنىڭ پروكۋراتۋراسىنا سٸلتەمە جاساپ.
"جىل باسىنان بەرٸ شقو پروكۋراتۋرا ورگاندارى مەملەكەت مەنشٸگٸنە قۇنى 690 ملن. تەڭگە بولاتىن 40 مىڭ گا 119 جەر ۋچاسكەسٸن, ونىڭ ٸشٸندە قۇنى 430 ملن. تەڭگەدەن اساتىن, جالپى اۋدانى 37 مىڭ گا پايدالانىلماعان 101 جايىلىم ۋچاسكەسٸن قايتاردى.
ايماقتىڭ اۋىل شارۋاشىلىق جەنە مال شارۋاشىلىعى ەرەكشەلٸكتەرٸن ەسكەرٸپ, جەر زاڭناماسىنىڭ ساقتالۋىن قاداعالاۋ اۋماقتىق پروكۋراتۋرالاردىڭ تۇراقتى باقىلاۋىندا.
اتاپ ايتقاندا, سامار اۋدانىنىڭ پروكۋراتۋراسى شقو كەسٸپكەرلەر پالاتاسىمەن بٸرلەسٸپ, جەر زاڭناماسى نورمالارىنىڭ ساقتالۋىنا تالداۋ جٷرگٸزگەن. جەرگٸلٸكتٸ اتقارۋشى ورگان وسى جىلى جەكە جەنە زاڭدى تۇلعالارعا جەر ۋچاسكەلەرٸن ۋاقىتشا ٶتەۋلٸ جەر پايدالانۋ قۇقىعىن بەرۋ بويىنشا 16 كونكۋرس ٶتكٸزبەگەنٸ انىقتالدى.
اۋدان پروكۋراتۋراسىنىڭ قاداعالاۋ اكتٸسٸ بويىنشا كٶرسەتٸلگەن بۇزۋشىلىقتار ٷشٸن ەكٸمدٸكتٸڭ جەر قاتىناستارى بٶلٸمٸنٸڭ باسشىسى ەكٸمشٸلٸك قۇقىق بۇزۋشىلىق تۋرالى كودەكستٸڭ 137-بابىمەن ەكٸمشٸلٸك جاۋاپكەرشٸلٸككە تارتىلدى. سامار اۋداندىق سوتىنىڭ 2023 جىلعى 27 قازانداعى قاۋلىسىمەن وعان 1,1 ميلليون تەڭگە ايىپپۇل تٷرٸندە ەكٸمشٸلٸك جازا قولدانىلدى. قاۋلى زاڭدى كٷشٸنە ەنگەن جوق, - دەلٸنگەن حابارلامادا.
ۆەدومستۆو مەلٸمەتٸنشە, 31 قازاندا ازاماتتار مەن زاڭدى تۇلعالاردىڭ بۇزىلعان قۇقىقتارىن قالپىنا كەلتٸرۋ ماقساتىندا پروكۋراتۋرانىڭ ارالاسۋىنان كەيٸن اۋدان ەكٸمدٸگٸ جەر پايدالانۋ قۇقىعىن بەرۋ بويىنشا كونكۋرستىق رەسٸمدەردٸ ٶتكٸزۋ تۋرالى حابارلاما جولدادعان.
"گلۋبوكوە اۋدانى پروكۋراتۋراسىنىڭ تەكسەرٸسٸنەن سوڭ اۋدان اۋماعىندا 42 مىڭ گا جەر جايىلىم رەتٸندە پايدالانىلمايتىنى انىقتالدى. نەتيجەسٸندە, گلۋبوكوە اۋدانى ەكٸمٸنٸڭ اتىنا قاداعالاۋ اكتٸسٸ ەنگٸزٸلدٸ. بٷگٸندە مەملەكەتكە جالپى اۋدانى 600 گەكتار جەنە قۇنى 4,8 ملن.تەڭگە بولاتىن 10 جەر ۋچاسكەسٸ قايتارىلدى.
پايدالانىلمايتىن جەرلەردٸ قايتارۋ جۇمىستارى جالعاسىپ جاتىر" - دەلٸنگەن حابارلامادا.
