شىعىس قازاقستان وبلىسى ريددەر قالاسىندا ٷلبٸ ٶزەنٸنٸڭ ماڭايىنداعى سەرجيحا تاۋىندا قار كٶشكٸنٸ باسىپ قالعان تۋريستٸڭ ٶلٸمٸن تەرگەۋ ٷشٸن كوميسسييا قۇرىلدى, دەپ حابارلايدى "ۇلت اقپارات".
شقو تٶتەنشە جاعدايلار دەپارتامەنتٸ باسپاسٶز قىزمەتٸنٸڭ مەلٸمەتٸنشە, 6 تۋريست شاڭعى تەبۋ ٷشٸن ريددەرگە ٶسكەمەننەن كەلگەن.
تاۋدان سىرعاناپ جٷرگەندە كەنەت كٶشكٸن جٷرٸپ, ولاردىڭ بٸرٸن باسىپ قالدى.
دەرەۋ كٶمەككە تجد جەدەل قۇتقارۋ جاساعىنىڭ قۇتقارۋشىلار توبى ەۆروكوپتەر-145 تٸكۇشاعىمەن شىقتى.
قۇرامىندا 5 ادام بار ەكٸنشٸ توپ جول تالعامايتىن كٶلٸكپەن ٶسكەمەننەن جول تارتقان. وعان قوسا ريددەر قالاسىنان قۇتقارۋشىلار مەن 4 ۆولونتەر جۇمىلدىرىلدى.
الايدا تٸكۇشاق كٷننٸڭ بۇلتتى بولۋى مەن اقتٷتەك بورانعا بايلانىستى قونۋعا مەجبٷر بولعان.
وسى ۋاقىتتا ساياحاتشىلار بايلانىسقا شىعىپ قار استىندا قالعان 1979 جىلعى ەر ادامنىڭ دەنەسٸن تاپقاندارىن ايتتى.
ساياحاتشىلار تۇرعان ورىندارىنىڭ ناقتى كوورديناتتارىن بەرٸپ, ول جەرگە قۇتقارۋشىلار مەن ۆولونتەرلار قاردا جٷرەتٸن تەحنيكامەن جەتتٸ.
«11 اقپاندا 8 ۆولونتەر, 2 قۇتقارۋشى جەنە 1 كريمينالدىق پوليتسييا قىزمەتكەرٸنەن تۇراتىن توپ قازا بولعان ادامنىڭ دەنەسٸن تٷسٸرۋ ٷشٸن تاۋعا كەتتٸ. قالىڭ قار مەن بيٸك تاۋدى ەڭسەرگەن ولار 35 شاقىرىمدى ارتقا تاستاعان. ساعات 15:10-دا مارقۇمنىڭ دەنەسٸ تٷسٸرٸلدٸ. تۋريستتٸڭ ٶلٸمٸن تەرگەۋ ٷشٸن كوميسسييا قۇرىلعان» دەپ حابارلادى ۆەدومستۆو ٶكٸلدەرٸ.
وسى رەتتە قۇتقارۋشىلار ٶڭٸر تۇرعىندارىنا قار كٶشكٸنٸ قاۋپٸ جوعارى تاۋلى ايماقتارعا بارماۋعا كەڭەس بەرەدٸ.
