شىعىس قازاقستان وبلىسىندا اداسىپ كەتكەن 3 شوپان قۇتقارىلدى, دەپ حابارلايدى قازاقپارات.
شقو تٶتەنشە جاعدايلار دەپارتامەنتٸ باسپاسٶز قىزمەتٸنٸڭ مەلٸمەتٸنە سٷيەنسەك, 4 قاراشا كٷنٸ ساعات 14.00 شاماسىندا زايسان اۋدانىندا 3 شوپاننىڭ بٸر وتار قويمەن جوعالىپ كەتكەنٸ تۋرالى حابار تٷستٸ. بەلگٸلٸ بولعانداي, تاڭەرتەڭ بٸرجان اۋىلدىق وكرۋگٸ اۋماعىنداعى قىستاقتان شىققان ولار سول كٷيٸ قايتىپ ورالماعان.
«قۇتقارۋشىلار وقيعا ورنىنا شۇعىل كەلٸپ, ٸزدەستٸرۋ شارالارىنا كٸرٸستٸ. نەتيجەسٸندە, وتار قويمەن دالادا اداسىپ جٷرگەن شوپانداردىڭ بٸرٸ تابىلدى. 2 ساعاتتان كەيٸن قۇتقارۋشىلارعا ەكٸنشٸ مالشى جولىقتى. كٶپ ۇزاماي ٷشٸنشٸ ەر ادام دا امان-ەسەن تابىلعان», - دەلٸنگەن اقپاراتتا.
تجد قىزمەتكەرلەرٸ شوپانداردى ٶتٸمدٸلٸگٸ جوعارى «كۋنگ» تەحنيكاسىمەن قىستاققا جەتكٸزدٸ. ولاردىڭ دەنساۋلىقتارىنا ەشقانداي زاقىم كەلمەگەن.
