شىعىس قازاقستان وبلىسىندا 17-20 جىلعا جەتەتٸن پايدالى قازبالار قورى قالدى. بۇل تۋرالى قر ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ Instagram-پاراقشاسىندا جازدى, دەپ حابارلايدى "ۇلت اقپارات".
«ٶسكەمەندە شىعىس قازاقستان وبلىسى ەكٸمٸ دانيال احمەتوۆپەن بٸرگە ٶڭٸردٸڭ مينەرالدىق-شيكٸزات بازاسىن دامىتۋ بويىنشا جيىن ٶتكٸزدٸك. ٶڭٸردەن بارلىق مينەرالدىق شيكٸزات تٷرٸ انىقتالعان دەسەك بولادى. التىن, كٷمٸس, مىس, تسينك, قورعاسىن, تيتان, باريت جەنە جەراستى سۋلارىنىڭ ٷلكەن قورى شىعىس قازاقستاندا شوعىرلانعان. ٶڭٸردە 17-20 جىلعا عانا جەتەتٸن پايدالى قازبالار قورى قالدى. سوندىقتان گەولوگييالىق بارلاۋ جۇمىسى كٶلەمٸن ۇلعايتۋىمىز قاجەت», - دەپ اتاپ ٶتتٸ مينيستر.
ماعزۇم مىرزاعاليەۆتٸڭ سٶزٸنشە, بۇل باعىتتا زاماناۋي تەحنولوگييا ەدٸستەرٸن قولدانۋ ماڭىزدى. ينۆەستورلارعا قولايلى جاعداي جاساۋ ارقىلى ٷلكەن نەتيجەلەرگە قول جەتكٸزۋگە بولادى.
«وبلىس ەكٸمٸمەن بارلاۋدى كٷشەيتۋ, قوسىمشا قارجى تارتۋ مەسەلەسٸ بويىنشا جۇمىس توبىن قۇرۋعا كەلٸستٸك. ونىڭ قۇرامىنا سالاداعى عالىمدار, كومپانييالار مەن مٷددەلٸ مەملەكەتتٸك ورگاندار ٶكٸلدەرٸ كٸرەدٸ. جاستاردى گەولوگييا سالاسىنا تارتىپ, باۋلۋ دا اسا ماڭىزدى. «قازگەولوگييا» كومپانيياسى شىعىس قازاقستاننىڭ جەرگٸلٸكتٸ جوعارى وقۋ ورىندارىمەن ەرٸپتەستٸكتٸ كٷشەيتەدٸ», - دەپ جازدى مينيستر.
