شٸلدە ايىنىڭ باسىنان بەرٸ ەلٸمٸزدە 1682 بالا كوروناۆيرۋس جۇقتىرعان, دەپ حابارلايدى قازاقپارات.
ورتالىق كوممۋنيكاتسييالار قىزمەتٸندە باق ٶكٸلدەرٸنٸڭ ساۋالىنا جاۋاپ بەرە وتىرىپ, سانيتارلىق-ەپيدەميولوگييالىق باقىلاۋ كوميتەتٸنٸڭ تٶراعاسى ايجان ەسماعامبەتوۆا وسىنداي ستاتيستيكا كەلتٸردٸ.
«بالالار تۋرالى ايتساق, قاڭتار ايىنان بەرٸ 28 267 بالا كوروناۆيرۋسپەن اۋىرعان. ونىڭ ٸشٸندە 54 جاڭا تۋعان نەرەستە بار. شٸلدەنٸڭ 7 كٷنٸندە 1 682 بالانىڭ ۆيرۋس جۇقتىرعانى تٸركەلدٸ. ياعني, شٸلدەنٸڭ عانا مەلٸمەتٸ بالالار اراسىندا سىرقاتتانۋدىڭ ٷلەسٸ ارتقانىن ايتۋعا بولادى. بٷگٸندە بالالار COVID-19-بەن جىل باسىنداعىدان جيٸرەك, بىلتىرعىدان ەلدەقايدا جيٸرەك اۋىرىپ جاتىر. بٸراق بالالاردىڭ 84 پايىزى اۋرۋدى جەڭٸل, سيمپتومسىز فورمادا ٶتكەرٸپ جاتقانىن ايتۋ كەرەك. ال 16 پايىزى ورتا اۋىر دەرەجەدە ٶتكەرٸپ جاتىر», - دەدٸ كوميتەت باسشىسى.
ايناش ەسماعامبەتوۆا بالالار اراسىندا ۆيرۋس جۇقتىرۋدىڭ جيٸلەۋٸ ەرەسەكتەردٸڭ باياۋ ۆاكتسينا الىپ جاتقانىمەن تٸكەلەي بايلانىستى ەكەنٸن ايتتى.
«شىنىمەن دە ەرەسەكتەر بالالارعا قاجەت ۇجىمدىق يممۋنيتەت قالىپتاستىرا المادى دەپ ايتۋعا بولادى. ٶيتكەنٸ ۇجىمدىق يممۋنيتەتكە قاجەت 60 پايىزدىق ٷلەس قازاقستان حالقىنىڭ ەرەسەكتەرٸنٸڭ سانىمەن شامالاس. 18-گە تولماعان, ۆاكتسينا المايتىن بالالاردىڭ سانى شامامەن – 6 ملن. ياعني, 60 پايىزدىق ۇجىمدىق يممۋنيتەت قالىپتاستىرىپ, بالالارىمىزدى قورعاۋ ٷشٸن بارلىق ەرەسەكتەر ەكپە الۋى كەرەك. ٶيتكەنٸ بالالار مەن جٷكتٸ ادامدارعا ەكپە الۋعا بولمايدى. وسى سانات بٸز ٷشٸن تەۋەكەل توبى بولىپ وتىر. ياعني ەرەسەكتەر ۆاكتسينا الۋ ارقىلى ەكپە الۋعا بولمايتىن ادامداردى اۋرۋدان قورعاۋى كەرەك», - دەدٸ سانيتارلىق-ەپيدەميولوگييالىق باقىلاۋ كوميتەتٸنٸڭ باسشىسى.
