شەتەلدەن ەكەلگەن كٶلٸكتٸڭ العاشقى تٸركەۋ الىمى نەگە قىمبات? بۇل تۋرالى قر قارجى مينيسترلٸگٸ مەملەكەتتٸك كٸرٸستەر كوميتەتٸنٸڭ باسقارما باسشىسىنىڭ ورىنباسارى اينۇر سارتاەۆا تٷسٸنٸكتەمە بەردٸ, دەپ حابارلايدى قازاقپارات.
شەتەلدەن ەكەلٸنگەن كٶلٸكتٸ العاشقى تٸركەۋ الىمى نەگە جوعارى? ونىڭ اقشاسى قايدا تٷسەدٸ? مەملەكەتتٸك كٸرٸستەر كوميتەتٸ ۇيىمداستىرعان بەينەكونفەرەنتسييا فورماتىنداعى ونلاين بريفينگٸدە سالا ماماندارىنا وسىنداي ساۋال قويىلدى.
«بارلىق الىم-سالىق سيياقتى مەملەكەتتٸك تٸركەۋ الىمى دا مەملەكەتتٸك بيۋدجەتتٸڭ قازانىنا تٷسەدٸ. بۇل الىمداردىڭ مٶلشەرٸ سالىق كودەكسٸندە بەلگٸلەنگەن. ونىڭ كٶلەمٸن مەملەكەتتٸك كٸرٸستەر ورگاندارى بەلگٸلەمەيدٸ. ٶيتكەنٸ سالىق ساياساتى بٸزدٸڭ كوميتەتتٸڭ قۇزىرىنا كٸرمەيدٸ. بٸز سالىقتى ەكٸمشٸلەندٸرۋ شارالارىن عانا جٷرگٸزەمٸز», - دەگەن كوميتەت ٶكٸلٸ العاشىق تٸركەۋ الىمىنىڭ مٶلشەرٸ قالاي ەسەپتەلەتٸنٸن تٷسٸندٸردٸ.
«العاشقى مەملەكەتتٸك تٸركەۋ الىمى كٶلٸكتٸ تٸركەگەن كەزدە تٶلەنەدٸ. تٸركەۋ جاساعان كەزدە ٸشكٸ ٸستەر ورگاندارىنىڭ ٶكٸلدەرٸ وسى تٶلەمدٸ تالاپ ەتەدٸ. بايقاساڭىزدار, العاشقى تٸركەۋ الىمىنىڭ قۇنى كٶلٸكتٸڭ شىعارىلعان جىلى ەسكٸرگەن سايىن جوعارى بولا تٷسەدٸ. زاۋىتتان شىققانىنا 3 جىلدان ارتىق ۋاقىت ٶتكەن شەتەلدٸك كٶلٸك ەكەلسەڭٸز, العاشقى تٸركەۋ الىمى 1,4 ملن تەڭگەدەن اسادى. ال سۋ جاڭا كٶلٸك ەكەلسەڭٸز, تٸركەۋ الىمىن تٶلەمەيسٸز. ياعني, ەسكٸ كٶلٸكتەردٸ ەكەلمەۋ ماقساتىندا وسىلاي جاسالعان», - دەدٸ اينۇر سارتاەۆا.
