Shetelden ákelgen kóliktiń alǵashqy tirkeý alymy nege qymbat? Bul týraly QR Qarjy ministrligi Memlekettik kirister komitetiniń basqarma basshysynyń orynbasary Ainur Sartaeva túsinikteme berdi, dep habarlaidy QazAqparat.
Shetelden ákelingen kólikti alǵashqy tirkeý alymy nege joǵary? Onyń aqshasy qaida túsedi? Memlekettik kirister komiteti uiymdastyrǵan beinekonferentsiia formatyndaǵy onlain brifingide sala mamandaryna osyndai saýal qoiyldy.
«Barlyq alym-salyq siiaqty memlekettik tirkeý alymy da memlekettik biýdjettiń qazanyna túsedi. Bul alymdardyń mólsheri Salyq kodeksinde belgilengen. Onyń kólemin memlekettik kirister organdary belgilemeidi. Óitkeni salyq saiasaty bizdiń komitettiń quzyryna kirmeidi. Biz salyqty ákimshilendirý sharalaryn ǵana júrgizemiz», - degen komitet ókili alǵashyq tirkeý alymynyń mólsheri qalai esepteletinin túsindirdi.
«Alǵashqy memlekettik tirkeý alymy kólikti tirkegen kezde tólenedi. Tirkeý jasaǵan kezde ishki ister organdarynyń ókilderi osy tólemdi talap etedi. Baiqasańyzdar, alǵashqy tirkeý alymynyń quny kóliktiń shyǵarylǵan jyly eskirgen saiyn joǵary bola túsedi. Zaýyttan shyqqanyna 3 jyldan artyq ýaqyt ótken sheteldik kólik ákelseńiz, alǵashqy tirkeý alymy 1,4 mln teńgeden asady. Al sý jańa kólik ákelseńiz, tirkeý alymyn tólemeisiz. Iaǵni, eski kólikterdi ákelmeý maqsatynda osylai jasalǵan», - dedi Ainur Sartaeva.
