شەتەلدە جٷرگەن قازاقستان ازاماتتارى ەندٸ 1414 بٸرىڭعاي بايلانىس ورتالىعىنىڭ وپەراتورىمەن ونلاين-اۋديوجازبا ارقىلى بايلانىسا الادى. بۇل تۋرالى «ۇلتتىق اقپاراتتىق تەحنولوگييالار» اق باسپاسٶز قىزمەتٸنەن مەلٸم ەتتٸ, دەپ حابارلايدى "ۇلت اقپارات".
1414 تەگٸن قوڭىراۋ شالۋ ٷشٸن پايدالانۋشى egov.kz پورتالىنا كٸرٸپ, تٶمەنگٸ وڭ جاق بۇرىشتاعى «ۆيرتۋالدى كەڭەسشٸ» ۆيدجەتٸن باسۋ قاجەت. قالقىمالى تەرەزەدە قۇلاققاپ تٷرٸندەگٸ بەلگٸگە باسىپ, قوڭىراۋ شالۋ كەرەك. ۆيرتۋالدى كەڭەسشٸ ارقىلى وپەراتورمەن بايلانىس جاساۋ ٷشٸن ميكروفون جەنە قۇلاققاپتىڭ بولۋى مٸندەتتٸ.
«بٸزگە باسقا ەلدەردە جٷرگەن ازاماتتاردان ٶتٸنٸشتەر جيٸ كەلٸپ تٷسكەن ەدٸ. وسىعان وراي 1414 call-ورتالىعىنىڭ وپەراتورلارىمەن ينتەرنەت ارقىلى قوسىلۋ مٷمكٸندٸگٸن قاراستىرىپ, بٷگٸن ٸسكە قوستىق. ينتەرنەتٸ بار ادام 1414 كەڭەسشٸسٸمەن حابارلاسىپ, بار سۇراققا جاۋاپ الا الادى. سونداي-اق, كەڭەسشٸمەن ەڭگٸمەسۋ بارىسىندا كٶلەمٸ 20 مەگابايتتان اسپايتىن كەز كەلگەن فورماتتاعى فايلداردى تٸركەۋ جەنە جٸبەرۋ مٷمكٸندٸگٸن قاراستىردىق», - دەدٸ «ۇات» اق باسقارما تٶراعاسى ەسەت تۇرىسوۆ.
1414 بايلانىس ورتالىعى جۇمىس كٷندەرٸ ساعات 9:00-دەن 21:00-گە دەيٸن جەنە سەنبٸ, جەكسەنبٸ كٷندەرٸ 9:00-دەن 14:00-گە دەيٸن جۇمىس ٸستەيدٸ. تٶتەنشە جاعداي كەزٸندە بايلانىس ورتالىعىنىڭ جۇمىسىنا حقكو-نىڭ 2000-نان استام قىزمەتكەرٸ جۇمىلدىرىلدى.
