«ۇلى دالا ەلٸنەن» جوباسى اياسىندا «حالىق قازىناسى» مەملەكەتتٸك ٶنەر ۇجىمى شەتەلدەگٸ قانداستارعا ارنالعان «قازاعىم-اي» اتتى ونلاين كونتسەرتٸن ۇسىنادى, دەپ حابارلايدى "ۇلت اقپارات".
قازاق دياسپوراسىنا رۋحاني قولداۋ كٶرسەتۋ جەنە شەتەلدەگٸ قانداستارمەن بايلانىستى نىعايتۋ ماقساتىندا ٶتەتٸن كونتسەرتتٸ دٷنيەجٷزٸ قازاقتارىنىڭ قاۋىمداستىعى, «وتانداستار قورى» كەاق جەنە «قازاقكونتسەرت» ۇيىمى بٸرگە ۇيىمداستىرىپ وتىر.
بۇل جوبا 2019 جىلدان بەرٸ قر اقپارات جەنە قوعامدىق دامۋ مينيسترلٸگٸنٸڭ تاپسىرماسىمەن جٷزەگە اسىرىلىپ كەلەدٸ.
«27 قىركٷيەك كٷنٸ ساعات 21.00-دە (نۇر-سۇلتان ۋاقىتى بويىنشا) تٸكەلەي ەفيردە ٶتەتٸن ونلاين كونتسەرتتە دەستٷرلٸ ەن-كٷي ٶنەرٸنٸڭ بەلگٸلٸ ساڭلاقتارى ٶنەر كٶرسەتەدٸ. ونلاين كونتسەرت «وتانداستار قورىنىڭ» Otandastar channel YouTube ارناسىندا كٶرسەتٸلٸپ, بارشاعا قولجەتٸمدٸ بولماق», - دەپ اتاپ ٶتەدٸ «قازاقكونتسەرت» ۇيىمى.
تٸكەلەي ەفيردە قازاقستاننىڭ ەڭبەك سٸڭٸرگەن قايراتكەرلەرٸ جانعالي جٷزباي, ەرلان رىسقالي, ەربولات شالدىبەكوۆ, كلارا تٶلەنباەۆا, ارداق بالاجانوۆا جەنە حالىقارالىق بايقاۋلاردىڭ لاۋرەاتتارى اسقار مۇقييات, اقەركە تەجٸباەۆا, ۆەنەرا تابىس ٶنەر كٶرسەتەدٸ.
ەرتٸستەر كٶپشٸلٸك سٷيٸپ تىڭدايتىن ۇلتتىق مۋزىكالىق تۋىندىلار مەن جاڭا مۋزىكالىق كومپوزيتسييالاردى ورىندايدى.
