قر سىرتقى ٸستەر مينيسترلٸگٸندە ديپلوماتييالىق كورپۋس ٶكٸلدەرٸ بەيبٸت جيىنداردى ۇيىمداستىرۋ مەن ٶتكٸزۋ تەرتٸبٸ تۋرالى زاڭ جوباسىن تالقىلادى, دەپ حابارلايدى قازاقپارات.
قر اقپارات جەنە قوعامدىق دامۋ مينيسترلٸگٸنٸڭ جاۋاپتى حاتشىسى جانات قوجاحمەتوۆ زاڭ جوباسىن ەزٸرلەۋدە حالىقارالىق تەجٸريبە مەن قوعامدىق پٸكٸرلەر ەسكەرٸلگەنٸن اتاپ ٶتتٸ.
«پارلامەنت مەجٸلٸسٸنٸڭ جۇمىس توپتارىنىڭ وتىرىسىنا قۇقىق قورعاۋ ۇيىمدارى, حالىقارالىق ۇيىمدار, ٷكٸمەتتٸك ەمەس سەكتور ٶكٸلدەرٸ جەنە عالىم-ساراپشىلار بەلسەندٸ قاتىستى. قوعامدىق تالقىلاۋ قورىتىندىسى بويىنشا زاڭ جوباسىنا مەجٸلٸستە بٸرقاتار ٶزگەرٸس ەنگٸزٸلدٸ. قازٸرگٸ ۋاقىتتا زاڭ جوباسى پارلامەنت سەناتىندا قارالىپ جاتىر», - دەدٸ جانات قوجاحمەتوۆ.
ج. قوجاحمەتوۆ ەلشٸلەرگە زاڭ جوباسىنىڭ نەگٸزگٸ تۇجىرىمدارى جٶنٸندە ايتىپ بەردٸ.
«زاڭنامالىق دەڭگەيدە بەيبٸت جيىنداردىڭ نەگٸزگٸ ۇستانىمدارى ەنگٸزٸلٸپ جاتىر: زورلىققا جول بەرمەۋ, زاڭدىلىق, قوعامدىق تەرتٸپتٸڭ قاۋٸپسٸزدٸگٸن قامتاماسىز ەتۋ, دەنساۋلىقتى ساقتاۋ, تۇلعالاردىڭ بوستاندىق قۇقىعىن قورعاۋ, قاتىسۋ ەرٸكتٸلٸگٸ جەنە ت.ب. مەجٸلٸستە تالقىلاۋدا تاعى ەكٸ ۇستانىم - بەيبٸت جيىن ٶتكٸزۋ پرەزۋمپتسيياسى مەن جاۋاپكەرشٸلٸك. بۇل ۇستانىم جيىن قاتىسۋشىلارى مەن ۇيىمداستىرۋشىلاردىڭ عانا ەمەس, مەملەكەتتٸك ورگاندار مەن بيلٸكتٸڭ دە جاۋاپكەرشٸلٸگٸن بٸلدٸرەدٸ», - دەدٸ سپيكەر.
ونىڭ ايتۋىنشا, مۇنداي ۇستانىمداردى ەنگٸزۋ ەقىۇ دەموكراتييالىق ينستيتۋتتار جەنە ادام قۇقىقتارى بيۋروسى ەزٸرلەگەن بەيبٸت جيىندار ەركٸندٸگٸ ۇستانىمدارىنا سەيكەس كەلەدٸ.
«سونىمەن بٸرگە, زاڭ جوباسىندا ۇعىمدىق اپپارات ەنگٸزۋ قاراستىرىلعان. بۇل پيكەت, نارازىلىق, شەرۋ, ميتينگ سىندى بەيبٸت جيىن تٷرلەرٸ مەن نەگٸزگٸ تٷسٸنٸكتەردٸ قالىپتاستىرۋعا مٷمكٸندٸك بەرەدٸ. قولدانىستاعى زاڭدا مۇنداي تٷسٸنٸك جوق جەنە زاڭ تەجٸريبەسٸندە دە بەيبٸت جيىن قاتىسۋشىلارى مەن ۇيىمداستىرۋشىلارى تاراپىنان نارازىلىق تۋدىراتىن», - دەدٸ جانات قوجاحمەتوۆ.
جاۋاپتى حاتشى مەجٸلٸستە زاڭدا كٶرسەتٸلگەن ورىنداردان باسقا بارلىق جەردە ٶتكٸزۋگە بولاتىن نورما قابىلدانعانىن جەتكٸزدٸ.
«قازٸرگٸ ۋاقىتتا سەناتتاعى جۇمىس توبى اياسىندا ٸرٸ قالالاردىڭ ورتالىق بٶلٸگٸندەگٸ ارنايى ورىندار سانىن انىقتاۋ بويىنشا نورما قاراستىرىلىپ جاتىر. ەگەر بۇل نورما قابىلدانسا, نۇر-سۇلتانداعى ارنايى ورىندار سانى ەڭ كەمٸ 12-گە, الماتىنىڭ ورتالىق بٶلٸكتەرٸندەگٸ ارنايى ورىندار سانى - 24-كە جەتەدٸ», - دەدٸ جانات قوجاحمەتوۆ.
وتىرىس بارىسىندا قازاقستانداعى ەلشٸلەر زاڭ جوباسى تۋرالى ٶز پٸكٸرلەرٸن بٸلدٸرٸپ, ۇسىنىمدارىن ايتتى.
قر سىرتقى ٸستەر ۆيتسە-مينيسترٸ ەرجان اشىقباەۆ حالىقارالىق سەرٸكتەستەر تاراپىنان تٷرلٸ ۇسىنىمدار تٷسكەنٸن جەنە ولاردىڭ ەسكەرٸلەتٸنٸن اتاپ ٶتتٸ.
