شەشەنستاننىڭ مەملەكەتتٸك "گروزنىي" تەلەارناسى Instagram-دا بيلٸكتٸ سىناعانى ٷشٸن جىلاپ كەشٸرٸم سۇراعان جەرگٸلٸكتٸ جاسٶسپٸرٸم تۋرالى سيۋجەت كٶرسەتتٸ. BBC-دٸڭ جازۋىنشا, سيۋجەت ەفيرگە 26 شٸلدەدە شىققان.
"ەكسترەميستٸك مازمۇنداعى كوممەنتاريي جەنە ونىڭ زاردابى" دەپ اتالعان سيۋجەتتە 16 جاستاعى ماگومەد احماتوۆتىڭ ەلەۋمەتتٸك جەلٸدەگٸ جازبالارى جايلى ايتىلادى. ەلەۋمەتتٸك جەلٸدە جاسٶسپٸرٸم شەشەنستانداعى احمات قادىروۆ اتىنداعى قايىرىمدىلىق قورىنىڭ ٸسٸن مىسقىلداپ, ونى رەسەي پرەزيدەنتٸ ۆلاديمير پۋتيننٸڭ اينالاسىنداعى "توپ" دەپ اتاعان.
سيۋجەتتە جاسٶسپٸرٸم شەشەنستان بيلٸگٸنەن كەشٸرٸم سۇرايدى. ودان كەيٸن شەشەنستان رەسپۋبليكاسىنىڭ مٷفتيٸ سالاح مەجيەۆتان سٶگٸس ەستيدٸ. سٶز اراسىندا قولىنداعى قاعازعا قاراپ, جاسٶسپٸرٸمنٸڭ ەلەۋمەتتٸك جەلٸدە جارييالاعان جازباسىنان ٷزٸندٸلەر وقىعان مٷفتي ۇزاق سٶيلەيدٸ.
ۆيدەودا احماتوۆتىڭ دوسى دەپ كٶرسەتٸلگەن يبراگيم بەرسانوۆ ەسٸمدٸ ازامات سٶيلەيدٸ. ول دوسىنىڭ "ٷيدەن بٸرنەشە كٷن بويى شىقپاي جٷرگەنٸن" ايتادى.
شەشەنستان تەلەارناسىنا ماگومەدتٸڭ اناسى ازا احماتوۆا دا سۇحبات بەرگەن. ٷش بالانى جالعىز اسىراپ وتىرعان ەيەل شەتەلدٸك كٶلٸك پەن جٶندەۋدەن ٶتكەن ٷلكەن ٷيدٸڭ جانىندا تۇرىپ كٶلٸك تە, ٷي دە ٶزٸنٸكٸ ەكەنٸن ايتادى. اناسىنان ٶزگە جاسٶسپٸرٸمنٸڭ اعالارىنىڭ بٸرٸ دە سٶيلەپ, "شەشەن زاڭى بويىنشا, تۋىسى جاساعان ٸسٸ ٷشٸن ٶزدەرٸ جاۋاپ بەرۋٸ كەرەك ەكەنٸن" ايتقان.
سيۋجەتتٸڭ سوڭىندا شەشەنستان باسشىسى رامزان قادىروۆتىڭ شەشەنستان ٷكٸمەتٸنٸڭ مينيسترٸ جامبۋلات ۋماروۆپەن سۇحباتى بەرٸلگەن. وندا قادىروۆ "رەسپۋبليكا باسشىلىعى جاستار اراسىندا ەكسترەميزمنٸڭ تارالۋىنا جول بەرمەي, كٷرەسەدٸ" دەپ ايتقان.
