«Nur Otan» پارتيياسى ٶزٸنٸڭ اقپاراتتىق ستراتەگيياسىن قايتا قاراۋى كەرەك. پارتييانىڭ ساياسي كەڭەسٸنٸڭ كەڭەيتٸلگەن وتىرىسىندا قر تۇڭعىش پرەزيدەنتٸ نۇرسۇلتان نازارباەۆ وسىنداي مەسەلە كٶتەردٸ, دەپ حابارلايدى قازاقپارات.
«پارتييا العا قاراي جىلجيتىن, اقپاراتتىق, يدەولوگييالىق ساياساتتى جٷرگٸزۋٸ تيٸس. بٷگٸنگٸ تاڭدا مەديادا شىنايى بەينەنٸ بۇلدىراتاتىن ارنالار كٶبەيٸپ بارادى. جاي عانا قايداعى بٸر سۇراقتى لاقتىرادى دا – شىندىققا ساي كەلە مە, جوق پا بٸلٸپ الىڭدار دەيدٸ (...) كەيٸن پارتييانىڭ تولىق مەدياتوبى, تەلەۆيزييالىق ارناسى, گازەتتەرٸ – اۋزىن جاۋىپ وتىرادى. بٸزدٸڭ ورتالىق اقپاراتتىق ارنالار دا اۋزىن اشپايدى. وي, قورقامىز... بۇرىن مەن كەرٸسٸنشە, ماعان اقشا تٶلە, ەيتپەسە سەن تۋرالى جامان جازامىن دەگەن رەداكتورلاردى جازالايتىن ەدٸم. ەكٸمدەر وسى ٷشٸن اقشا تٶلەيتٸن. ال قازٸر ەگەر سەن بٸردەڭە جازساڭ, بٸرەۋ ارقىلى سەنٸ جۇمىستان شىعارامىن دەگەن بوپسا پايدا بولدى. بٸز ونى بٸلەمٸز. ەگەر وسىنداي جاعداي تٸركەلسە, قانداي لاۋازىمدا بولسا دا, جۇمىستان شىعارامىز. كٸم بولسا, ول بولسىن», - دەدٸ ەلباسى «Nur Otan» پارتيياسى ساياسي كەڭەسٸنٸڭ كەڭەيتٸلگەن وتىرىسىندا.
نۇرسۇلتان نازارباەۆ قازٸرگٸ تاڭدا كەز كەلگەن مەسەلەنٸ رەسپۋبليكالىق دەڭگەيدەگٸ پروبلەما ەتٸپ كٶرسەتۋ جاعدايى بەلەڭ الىپ بارا جاتقانىن ايتىپ ٶتتٸ.
«ينتەرنەت وعان كٶمەكتەسٸپ جاتىر. ەشكٸم جاۋاپ بەرمەيدٸ. پارتييا جالا جاپقانى ٷشٸن جاۋاپكەرشٸلٸكتٸ كٷشەيتۋ ماقساتىندا زاڭ قابىلداۋ باستاماسىن كٶتەرۋٸ تيٸس. ەشكٸم ەشكٸمگە ٸستٸ ابسۋردقا دەيٸن جەتكٸزۋ قۇقىعىن بەرگەن جوق. دەستٷرلٸ باق پوزيتسيياسىنان ايىرىلىپ بارادى. دەۋرەن اباەۆ وسى مەسەلە بويىنشا ويلانىپ, جۇمىس جٷرگٸزۋٸ كەرەك. تەلەفوندىق قۇقىق بولماۋى تيٸس. شەنەۋنٸكتەر رەداكتورلارعا قىسىم كٶرسەتەدٸ. ەرتٷرلٸ جولدارمەن سىني ماتەريالداردىڭ جولىن كەسەدٸ. وسىدان كەيٸن قوعامدىق سانادا بالاما شىنايىلىق قالىپتاسادى. «Nur Otan» سول سەبەپتٸ, ٶزٸنٸڭ اقپاراتتىق ستراتەگيياسىن قايتا قاراۋى كەرەك. پارتييالىق باق شىنايى ەرٸ جەدەل اقپاراتتىڭ كٶزٸنە اينالىپ, وزا جۇمىس جٷرگٸزۋٸ تيٸس. ەڭ دارىندى ادامداردى تارتىپ, تيٸستٸ ايلىق تٶلەنۋٸ كەرەك», - دەدٸ ەلباسى.
