- قازاقستان مەن رەسەي شەكاراسىندا ٷلكەن كٶلەمدەگٸ - 4 توننا قۇس ەتٸ مەن مال قوي ەتٸن الىپ ٶتپەك بولعانداردىڭ جولى كەسٸلدٸ, دەپ حابارلايدى قر ۇقك شق باسپاسٶز قىزمەتٸنەن.
قوستاناي شەكارا وتريادىنا قاراستى «قايراق-اۆتو» باقىلاۋ-ٶتكٸزۋ بەكەتٸنٸڭ شەكارا ناريادى بٸر تەۋلٸكتٸڭ ٸشٸندە ەت ٶنٸمدەرٸن زاڭسىز ٶتكٸزۋگە قاتىستى ەكٸ دەرەكتٸڭ جولىن كەستٸ.
اتاپ ايتقاندا, رەسەي فەدەراتسيياسىنا «گاز» جٷك كٶلٸگٸمەن كەتٸپ بارا جاتقان 47 جاستاعى قازاقستاندىقتىڭ ەت ٶنٸمدەرٸنەن شيكٸلٸك تابىلدى. ونىڭ قۇجاتتارى بويىنشا كٶلٸك قورابىندا سالماعى 500 كيلوگرامم بولاتىن 25 دانا تۋشا بولۋى كەرەك ەدٸ. ال تەكسەرە كەلگەندە, ودان سالماعى 1300 كگ بولاتىن, 65 دانا قويدىڭ تۋشاسى انىقتالدى.
وسى كٷنٸ 32 جاستاعى قازاقستاندىق ازامات تا مەملەكەتتٸك شەكارا ارقىلى زاڭسىز تٷردە 3 توننا قۇس ەتٸن ٶتكٸزۋگە ەرەكەتتەندٸ. ۇستالعان ازامات «حيۋنداي» اۆتوكٶلٸگٸمەن قازاقستاننان رەسەي جەرٸنە قاراي ساپار شەگٸپ بارادى ەكەن.
اتالعان دەرەكتەر بويىنشا قۇقىققورعاۋ ورگاندارى حابارلاندىرىلدى.
