- Qazaqstan men Resei shekarasynda úlken kólemdegi - 4 tonna qus eti men mal qoi etin alyp ótpek bolǵandardyń joly kesildi, dep habarlaidy QR UQK ShQ baspasóz qyzmetinen.
Qostanai shekara otriadyna qarasty «Qairaq-avto» baqylaý-ótkizý beketiniń shekara nariady bir táýliktiń ishinde et ónimderin zańsyz ótkizýge qatysty eki derektiń jolyn kesti.
Atap aitqanda, Resei Federatsiiasyna «GAZ» júk kóligimen ketip bara jatqan 47 jastaǵy qazaqstandyqtyń et ónimderinen shikilik tabyldy. Onyń qujattary boiynsha kólik qorabynda salmaǵy 500 kilogramm bolatyn 25 dana týsha bolýy kerek edi. Al teksere kelgende, odan salmaǵy 1300 kg bolatyn, 65 dana qoidyń týshasy anyqtaldy.
Osy kúni 32 jastaǵy qazaqstandyq azamat ta memlekettik shekara arqyly zańsyz túrde 3 tonna qus etin ótkizýge árekettendi. Ustalǵan azamat «Hiýndai» avtokóligimen Qazaqstannan Resei jerine qarai sapar shegip barady eken.
Atalǵan derekter boiynsha quqyqqorǵaý organdary habarlandyryldy.
